લોકસભામાં ચૂંટણી સુધારા બિલ 2021 પસાર થઈ ગયું છે. આ બિલમાં ચુંટણીકાર્ડને આધારકાર્ડ સાથે લિંક કરવાની જોગવાઈ છે, પરંતુ તે ફરજીયાત નથી.
આ ઉપરાંત વર્ષમાં માત્ર 1 જાન્યુઆરીએ થતી મતદાર નોંધણીને બદલીને હવે 4 તારીખ નક્કી કરાઇ છે. જેમાં 1 જાન્યુઆરી, 1 એપ્રિલ, 1 જુલાઈ અને 1 ઓક્ટોબર નો સમાવેશ થાય છે. હવે નવા મતદાર નોંધણી માટે એક વર્ષની રાહ જોવી નહીં પડે.
નવજાત શિશુના આધારકાર્ડ બનશે: યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) ટૂંક સમયમાં હોસ્પિટલમાં જન્મેલા નવજાત શિશુઓને આધાર કાર્ડ આપવાની તૈયારી કરી રહ્યું છે.
HDFC બેન્ક નિયમમાં ફેરફાર: HDFC બેન્ક ૧ જાન્યુઆરી ૨૦૨૨થી કાર્ડ સેવ કરવાની સિસ્ટમ બંધ થઈ જશે. RBIના નિર્ણયથી HDFC બેન્ક આ ફેરફારો કરવા જઈ રહી છે.
RBIનો નિર્ણય: રિઝર્વ બેંકે Visa, Mastercard અને Rupay ને કાર્ડ જારી કરનાર બેંક અથવા કંપની વતી ટોકન આપવાની મંજૂરી આપી છે, જેને ટોકનાઇઝેશન કહેવામાં આવી રહ્યું છે. આ રીતે ગ્રાહકના કાર્ડની વાસ્તવિક વિગતો મર્ચન્ટ પાસે સ્ટોર નહીં થાય, જેનાથી ડેટા ચોરી અને છેતરપિંડીના બનાવો અટકશે.
ઓનલાઈન ફૂડ ડીલીવરી મોંઘું: ૧ જાન્યુઆરી ૨૦૨૨થી કેન્દ્ર સરકાર દ્વારા ફૂડ ડિલિવરી એપ પર ૫ ટકા ટેક્સ લગાવવામાં આવશે.
IPPB નવો નિયમ: IPPBમાં પૈસા જમા કે ઉપડવા માટે 1 જાન્યુઆરીથી વધુ ચાર્જ ચૂકવવો પડશે. સેવિંગ અને કરંટ અકાઉન્ટમાં એક મહિનામાં ચાર વખત પૈસા ઉપડવાનું મફત છે. તે પછી પૈસા ઉપાડવા પર 25 રૂપિયા ચૂકવવાના રહેશે.
જાન્યુઆરી ૨૦૨૨માં ફરી એકવાર મોંઘવારી ભથ્થામાં વધારો થઈ શકે છે, જેના કારણે કર્મચારીઓનો પગાર ફરી વધશે. ડેટા અનુસાર, 3% DA વધવાની ધારણા છે.
ડિઝલ વાહનો રદ: દિલ્હી સરકાર ૧ જાન્યુઆરીથી ૧૦ વર્ષથી વધુ સમય પૂર્ણ કરનારા તમામ ડીઝલ વાહનોનું રજિસ્ટ્રેશન રદ કરવા જઈ રહી છે. જે ડીઝલ વાહનો 15 વર્ષ કે તેથી વધુ પુરા કરી ચૂક્યા છે તેમને કોઈપણ સંજોગોમાં NOC આપવામાં આવશે નહીં. માલિકો તેમના 10 વર્ષથી જૂના ડીઝલ વાહનો અને 15 વર્ષથી જૂના પેટ્રોલ વાહનોને ઇલેક્ટ્રિક વાહનોમાં બદલી શકે છે.
રાત્રિ કરફ્યૂ નિર્ણય: રાત્રિ કર્ફ્યૂમાં સરકારે ફરી એકવાર યથાવત્ રાખ્યો છે. હાલમાં રાજ્યમાં કોરોનાના કેસ વધતા જણાય છે. તો કોરોનાના આફ્રિકન વેરિયન્ટ ઓમિક્રોનના પણ 20થી વધુ કેસ નોંધાઇ ચૂક્યા છે. ત્યારે ગુજરાતના 8 મહાનગરપાલિકામાં રાત્રે 1 વાગ્યાથી સવારે 5 વાગ્યા સુધી રાત્રી કર્ફ્યુ યથાવત્ રહેશે. આ ગાઇડલાઇન 31 ડિસેમ્બર સુધી અમલી રહેશે.