રાજકીય પક્ષોને જાહેરનામા માટે જવાબદાર બનાવવા માટે સુપ્રીમ કોર્ટમાં અરજી દાખલ કરવામાં આવી છે. કહેવામાં આવી રહ્યું છે કે આ અરજીમાં રાજકીય પક્ષોને ચૂંટણી વચનો પ્રત્યે જવાબદાર બનાવવા અને ઢંઢેરાને નિયમન કરવાનો નિર્દેશ આપવામાં આવે તેવી માંગ કરવામાં આવી છે.
એડવોકેટ અશ્વિની કુમાર દુબે દ્વારા દાખલ કરવામાં આવેલી આ અરજીમાં કહેવામાં આવ્યું છે કે ચૂંટણી ઢંઢેરામાં આપેલા વાયદાઓ પૂરા ન કરવા બદલ રાજકીય પક્ષોના ચૂંટણી ચિન્હો જપ્ત કરવાની સાથે તેમની માન્યતા પણ રદ્દ કરવામાં આવે.
કેન્દ્ર અને ચૂંટણી પંચે રાજકીય પક્ષોના મેનિફેસ્ટોને નિયંત્રિત કરવા માટે કોઈ પગલાં લીધા નથી. તેમણે કહ્યું કે રાજકીય પક્ષોએ હવાથી હવામાં વચનો આપવાથી દૂર રહેવું જોઈએ કારણ કે તે નાણાકીય કટોકટી બનાવે છે અને જનતાના ખિસ્સા પર બોજ નાખે છે એવું અરજીમાં કહેવામાં આવ્યું છે.
એડવોકેટ અશ્વિની કુમાર દુબેએ સુપ્રીમ કોર્ટને જણાવ્યું કે આમ આદમી પાર્ટી દ્વારા ૨૦૧૩ , ૨૦૧૫ અને ૨૦૨૦ ના ચૂંટણી ઢંઢેરામાં જન લોકપાલ બિલનું વચન આપવામાં આવ્યું હતું , પરંતુ હજુ સુધી તેનો અમલ કરવામાં આવ્યો નથી. તેમણે કહ્યું કે આ તમામ રાજ્યોમાં થઈ રહ્યું છે કારણ કે કેન્દ્ર સરકારે રાજકીય પક્ષોના ચૂંટણી ઢંઢેરાને નિયંત્રિત કરવા માટે ન તો કોઈ કાયદો બનાવ્યો છે અને ન તો ચૂંટણી પંચને તેના માટે કોઈ સૂચના આપવામાં આવી છે.
એડવોકેટ અશ્વિની કુમાર દુબેએ કહ્યું કે ભારતીય જનતા પાર્ટી પણ સમાન નાગરિક સંહિતા લાગુ કરવાના વારંવાર વચનો આપી રહી છે.