કેન્દ્રીય વિદેશ મંત્રી એસ જયશંકરે આજે લોકસભામાં યુક્રેન પરની ચર્ચાનો જવાબ આપ્યો. લોકસભામાં નિયમ ૧૯૩ હેઠળ, યુક્રેનની સ્થિતિ પર ચર્ચા કરવામાં આવી હતી, જેની સૂચના આરએસપી સાંસદ એનકે પ્રેમચંદ્રન અને કોંગ્રેસના સાંસદ મનીષ તિવારીએ આપી હતી. વિદેશ મંત્રી એસ જયશંકરે યુક્રેનની સ્થિતિ પર ચર્ચાનો જવાબ આપતા કહ્યું કે ભારત શાંતિના પક્ષમાં છે. તેમણે કહ્યું કે અમે તમામ પ્રકારની હિંસા વિરુદ્ધ છીએ. યુક્રેનના બુચા શહેરમાં બનેલી ઘટનાની માહિતીથી અમે હેરાન છીએ અને તેની સખત નિંદા કરીએ છીએ. તેની સ્વતંત્ર તપાસ થવી જોઈએ.
એસ જયશંકરે કહ્યું કે, લોહી વહેવડાવીને અને નિર્દોષ જીવોની કિંમત પર કોઈ ઉકેલ શોધી શકાતો નથી. સંવાદ અને કૂટનીતી એ કોઈપણ વિવાદનો સાચો જવાબ છે.
લોકસભામાં વિદેશ મંત્રીએ કહ્યું કે ઘણા સાંસદોએ બુચાની ઘટનાને ઉઠાવી. અહેવાલોથી અમને ખૂબ જ દુઃખ થયું છે. અમે ત્યાં થયેલી હત્યાઓની સખત નિંદા કરીએ છીએ. આ એક ખૂબ જ ગંભીર બાબત છે, અમે સ્વતંત્ર તપાસના કોલને સમર્થન આપીએ છીએ.
એસ જયશંકરે અગાઉ યુએસ સ્ટેટ સેક્રેટરી ઓફ સ્ટેટ એન્ટની બ્લિંકન સાથે ફોન પર યુક્રેનની સ્થિતિ સહિત વિવિધ પ્રાદેશિક અને વૈશ્વિક મુદ્દાઓ પર વાત કરી હતી. યુએસ સ્ટેટ મંત્રાલયના પ્રવક્તા નેડ પ્રાઈસે આ જાણકારી આપી. પ્રાઈસે જણાવ્યું કે વિદેશ મંત્રી એન્ટની જે. બ્લિંકને ભારતીય વિદેશ મંત્રી એસ જયશંકર સાથે યુક્રેનની સ્થિતિ સહિત વિવિધ ક્ષેત્રીય અને વૈશ્વિક મુદ્દાઓ પર વાત કરી.
