ગુજરાત રાજ્યના ખેડામાં નવરાત્રીના અવસરે કટ્ટરવાદીઓ દ્વારા પથ્થરમારો કરવામાં આવ્યો છે. પથ્થરમારામાં અડધો ડઝન લોકો ઘાયલ થયા છે. બીજી તરફ વડોદરાના સાવલી શહેરમાં જેહાદીઓ દ્વારા પથ્થરમારો કરવામાં આવ્યો હતો જેમાં કેટલાક વાહનોને નુકસાન થયું હતું. ગુજરાત પોલીસે અત્યાર સુધીમાં બંને પક્ષના ૪૦ લોકોની ધરપકડ કરી છે.
રાજ્યના ખેડામાં ગરબાનું આયોજન કરવામાં આવ્યું હતું. જેમાં કટ્ટરપંથી વિચારધારાના લોકોએ ગરબામાં હંગામો શરૂ કર્યો, ત્યારબાદ જેહાદીઓએ ભક્તો પર પથ્થરમારો શરૂ કર્યો, જેમાં અત્યાર સુધીમાં ૬ જેટલા લોકો ઘાયલ થયા છે. જણાવી દઈએ કે, કચ્છ જિલ્લાના ખેડામાં કેટલાક કટ્ટરપંથી લોકો ગરબા ઈવેન્ટમાં ઘુસી ગયા હતા અને પછી ગરબામાં હંગામો મચ્યો હતો.
એસપી રાજેશ ગોઢિયાએ જણાવ્યું હતું કે આરીફ અને ઝહીર નામના બે શખ્સોની આગેવાનીમાં નવરાત્રી ગરબા સ્થળ પર પહોંચ્યા હતા અને ગરબા કાર્યક્રમમાં અવરોધ ઊભો કરવા લાગ્યા હતા. આ પછી કટ્ટરવાદીઓએ ગરબામાં પહોંચેલા ભક્તો પર પથ્થરમારો શરૂ કરી દીધો હતો. એસપીએ વધુમાં જણાવ્યું કે આ ઘટનામાં અત્યાર સુધીમાં ૬ લોકો ઘાયલ થયા છે. આરોપીઓને પકડવાના પ્રયાસો ચાલુ છે. તણાવને જોતા ખેડામાં સુરક્ષા વધારી દેવામાં આવી છે.