ઐતિહાસિક જીત બાદ ગુજરાતમાં નવી સરકાર રચવાની તૈયારી ચાલી રહી છે,
ગાંધીનગરમાં ભાજપના ચૂંટાયેલા સભ્યોની બેઠક મળી. જેમાં વિધાનસભા દળના નેતા તરીકે સર્વસંમતિથી ભૂપેન્દ્ર પટેલની પસંદગી કરવામાં આવી છે.
ધારાસભ્ય કનુ દેસાઇએ વિધાનસભા દળના નેતા તરીકે ભૂપેન્દ્ર પટેલના નામની દરખાસ્ત કરી હતી જેને શંકર ચૌધરી, પૂર્ણેશ મોદી, રમણ પાટકર, અને મનિષા વકીલે સમર્થન આપ્યું હતું. બેઠકમાં કેન્દ્રીયમંત્રી રાજનાથસિંહ, અર્જુન મુન્ડા, તેમજ પાર્ટીના વરિષ્ટનેતા બી.એસ.યેદીયુરપ્યાના નિરીક્ષક પદે તેમજ પ્રદેશ પ્રમુખ સી.આર.પાટિલ અને સંગઠનના હોદેદારો હાજર રહ્યાં.