ભારતની અધ્યક્ષતામાં જી-૨૦ ની બે મહત્વની બેઠક આજથી મુંબઇ અને બેંગલુરૂમાં શરૂ થશે. મુંબઇ વિકાસ કાર્યોની અધ્યક્ષતા કરશે જ્યારે બેંગલુરૂ નાણા અને બેંકના પ્રતિનિધીઓની બેઠક યોજશે.
જી-૨૦ ની ભારતની અધ્યક્ષતા દરમિયાન વિકાસ કાર્ય સમુહની પ્રથમ બેઠક આજે મુંબઇમાં થશે. તેમા સામેલ થનાર પ્રતિનિધીઓની યજમાની માટે મુંબઇ પૂર્ણ રીતે તૈયાર છે. કેન્દ્રીય નાણા મંત્રાલય અને ભારતીય રિઝર્વ બેંક દ્વારા આયોજીત પ્રથમ જી-૨૦ નાણા અને કેન્દ્રીય બેંકના પ્રતિનિધીઓની ત્રણ દિવસીય બેઠક આજથી બેંગલુરૂમાં શરૂ થશે. ત્રણ દિવસની બેઠકમાં ભારતની જી-૨૦ની અધ્યક્ષતા અંતર્ગત નાણાકિય બાબતોની ચર્ચા પર જોર રહેશે. જેમા ૨૧ મી સદીના વૈશ્વીક પડકારો નો સામનો કરવા ભવિષ્ય માટે શહેરોને આર્થિક સહાય આપવા વૈશ્વીક લોન સંબંધી બાબતો નાણાકિય સમાવેશ અને ઉત્પાદકતા સંબંધી લાભ તથા જળવાયુ સંબંધી કાર્યો માટે નાણા ઉપલબ્ધ કરાવવાની દ્રષ્ટીથી આંતરરાષ્ટ્રીય સંસ્થાઓની દિશા નિર્ધારીત કરવું સામેલ છે.