રાજ્યના પોલીસ મહાનિદેશક આશિષ ભાટિયા સેવા નિવૃત થતાં વિકાસ સહાયને ઇન્ચાર્જ પોલીસ મહાનિદેશક બનાવવામાં આવ્યા છે
ગઈકાલે DGP આશિષ ભાટિયાનો કાર્યકાળ પૂરો થતા નવા ઈન્ચાર્જ DGP તરીકે ૧૯૮૯ બેચના IPS અધિકારી વિકાસ સહાયની નિમણૂક કરવામાં આવી છે.
DGPના પદ માટેની આ રેસમાં અમદાવાદના હાલના પોલીસ કમિશ્નર સંજય શ્રીવાસ્તવ અને સુરતના પોલીસ કમિશ્નર અજય તોમરના નામ પણ સામેલ હતા. જેમાંથી UPSCની મળેલી બેઠકમાં વિકાસ સહાયના નામ પર મંજૂરી આપવામાં આવી હતી. ગુજરાત રાજ્યની વિધાનસભાની ચૂંટણી પહેલા આશિષ ભાટિયાને 6 મહિનાનું એક્સ્ટેન્શન આપવામાં આવ્યું હતું. જ્યારે ગઈકાલે તેમનો કાર્યકાળ પૂરો થતા નવા DGPની નિમણૂંક કરવામાં આવી છે. તેઓ ૧૯૮૯ બેચના IPS અધિકારી છે. તેમણે સરદાર વલ્લભભાઈ પટેલ નેશનલ પોલીસ એકેડમી, હૈદરાબાદથી તાલીમ મેળવી છે. સાથે તેમણે સંયુક્ત રાષ્ટ્ર(UN) પીસ કિપીંગ મિશનની તમામ મહત્વની જવાબદારી સંભાળી છે.