ગુજરાતમાં ચોમાસાનો બીજો રાઉન્ડ શરૂ થઈ ગયો છે. આજે ગુજરાતના એક જિલ્લામાં ઓરેન્જ એલર્ટ અને ૮ જિલ્લાઓમાં યલો એલર્ટ જાહેર કરવામાં આવ્યું છે.
દિલ્હી સહિત દેશના મોટાભાગના રાજ્યોમાં વરસાદનું એલર્ટ યથાવત છે. દક્ષિણ દ્વિપકલ્પ ભારત અને ઉત્તર મહારાષ્ટ્રમાં આવતીકાલ સુધી અને ગુજરાતમાં ૮ જુલાઈ સુધી વરસાદી રેલમછેલ ચાલુ રહેવાની શક્યતા છે. સ્થાનિક હવામાન વિભાગ દ્વારા આજે ગુજરાતના કેટલાક વિસ્તારોમાં ભારેથી અતિભારે વરસાદની આગાહી કરવામાં આવી છે.
હવામાન વિભાગના જણાવ્યા અનુસાર, રાજ્યના કેટલાક વિસ્તારોમાં અતિભારે વરસાદની આગાહી છે. આજે વલસાડમાં અતિભારે વરસાદની આગાહી છે. આજે વલસાડમાં ઓરેન્જ એલર્ટ જાહેર કરવામાં આવ્યું છે. જ્યારે જામનગર, અમરેલી, ગીર સોમનાથ, વડોદરા, સુરત, નવસારી, છોટાઉદેપુર અને ડાંગમાં વરસાદને લઈને યલો એલર્ટ જાહેર કરવામાં આવ્યું છે.
હવામાન વિભાગના જણાવ્યા અનુસાર, આજે વડોદરા, સુરત, છોટા ઉદેપુર, ડાંગ, નવસારી, જામનગર, અમરેલી, ગીર સોમનાથમાં ભારે વરસાદની આગાહી છે. જ્યારે દ્વારકા, પોરબંદર, જૂનાગઢ, રાજકોટ, અમરેલી, ભાવનગર, કચ્છ, બોટાદ, મોરબી, અમદાવાદ, ગાંધીનગર, પાટણ, મહેસાણા, સાબરાકાંઠા, બનાસકાંઠા, અરવલ્લી, મહીસાગર, ખેડા, આણંદ, પંચમહાલ, ભરૂચ, નર્મદા, તાપી મધ્યમથી ભારે વરસાદ વરસી શકે છે.
અમદાવાદમાં અતિભારે વરસાદ રહેવાની શક્યતા
અમદાવાદ શહેરમાં ૭ અને ૮ જુલાઈ એમ બે દિવસ અતિભારે વરસાદ રહેવાની શક્યતા છે.