હવામાન વિભાગ દ્વારા વરસાદને લઈ આગાહી કરવામાં આવી છે. જેમાં હવામાન વિભાગે અમદાવાદમાં સામાન્ય વરસાદની આગાહી કરી છે. તેમજ રાજ્યમાં અત્યાર સુધી સીઝનનો ૬૦ % વરસાદ નોંધાયો છે.
રાજ્યમાં વરસાદને લઈને હવામાન વિભાગ દ્વારા આગાહી કરવામાં આવી છે. ત્યારે આગામી પાંચ દિવસ રાજ્યમાં સામાન્ય વરસાદ રહેશે. જેમાં વલસાડ, નવસારી, સુરત અને ભરૂચ તેમજ ભાવનગર, અમરેલી, બોટાદમાં વરસાદ રહેશે. અમદાવાદમાં સામાન્ય વરસાદ રહેશે. તેમજ ૧૭ જુલાઈથી વરસાદની ગતિમાં વધારો થશે. ત્યારે રાજ્યમાં અત્યાર સુધીમાં સિઝનનો ૬૦ % વરસાદ નોંધાયો છે.
હવામાન વિભાગના જણાવ્યા અનુસાર, આવતીકાલે અમદાવાદ, આણંદ, અરવલ્લી, દાહોદ, ગાંધીનગરમાં વરસાદ થઈ શકે છે. આ ઉપરાંત ખેડા, મહીસાગર અને પંચમહાલ જિલ્લામાં છૂટોછવાયો વરસાદ થવાની શક્યતા છે.
હવામાન વિભાગના જણાવ્યા અનુસાર, ૧૫ જુલાઈએ સમગ્ર રાજ્યમાં હળવાથી મધ્યમ વરસાદ થવાની આગાહી છે. ૧૫ જુલાઈએ અમદાવાદ, વડોદરા, આણંદ, છોટાઉદેપુર, દાહોદ, ખેડા, મહીસાગર, પંચમહાલમાં વરસાદ થવાની શક્યતા છે. આ ઉપરાંત ગાંધીનગર, અરવલ્લી, બનાસકાંઠા, મહેસાણા, પાટણ, સાબરકાંઠા, રાજકોટ, અમરેલી, ભાવનગર, બોટાદ, દેવભૂમિ દ્વારકા, ગીર સોમનાથ, જામનગર, જૂનાગઢ, મોરબી, પોરબંદર, સુરેન્દ્રનગર, કચ્છ, સુરત, ભરૂચ, ડાંગ, નર્મદા, નવસારી, તાપીમાં વરસાદ થવાની શક્યતા છે.