ટેક્સ ભરવામાં ગુજરાત ત્રીજા નંબરે

૨૦૨૨-૨૩માં દેશના ૨.૬૯ કરદાતાઓએ ITR ફાઈલ કરાવ્યું : દેશની કુલ વસ્તીમાંથી માત્ર ૬ % લોકો જ ચુકવે છે ટેક્સ, ઈન્કમ ટેક્સ રિટર્ન ફાઈલિંગ ડેટા મુજબ છેલ્લા ૪ વર્ષમાં રૂ.૧ કરોડથી વધુની કમાણી કરનારાઓની સંખ્યામાં ૫૦ % નો ઉછાળો

આ વર્ષે ભરાયેલા ઈન્કમ ટેક્સ રિટર્ન ફાઈલિંગ ડેટામાં ભારતીય કરોડપતિઓને લઈ ચોંકાવનારી વિગતો સામે આવી છે. ડેટા મુજબ ભારતમાં અમીરોની સંખ્યામાં ઝડપથી વધારો થઈ રહ્યો છે. ડેટા મુજબ દેશમાં એક કરોડ રૂપિયાથી વધુ આવક ધરાવતા કરદાતાઓની સંખ્યામાં વધારો થયો છે. ખાસ કરીને કોરોનાકાળ બાદ દેશમાં અમીરોની સંખ્યમાં ઉછાળો જોવા મળ્યો છે.

૨૦૨૨-૨૩ ના ઈન્કમટેક્સ રિટર્ન ફાઈલિંગ ડેટા મુજબ એક કરોડ રૂપિયાથી વધુની આવક ધરાવતા ૫.૬૯ લાખ કરદાતાઓએ ITR ફાઈલ કરાવ્યું છે. અગાઉ આ આંકડો ૨૦૧૮-૧૯ માં ૧.૮૦ લાખ હતો, જેની તુલનાએ આ વખતે ૪૯.૪ % નો વધારો થયો છે. આ મામલે ૨૦૨૧-૨૨ માં ૧.૯૩ લાખ કરદાતાઓ નોંધાયા હતા. છેલ્લા ચાર વર્ષમાં ૧ કરોડ રૂપિયાથી વધુની કમાણી કરનારાઓની સંખ્યામાં ૫૦ % નો ઉછાળો આવ્યો છે.

દેશમાં કરોડપતિની સંખ્યામાં વધારો થયો છે, તો બીજીતરફ કરદાતાઓની સંખ્યામાં સામાન્ય વધારો નોંધાયો છે. હાલ દેશની કુલ વસ્તીમાંથી માત્ર ૬ % લોકો જ ટેક્સ ચુકવતા હોવાનું સામે આવ્યું છે.