પ્રાથમિક વિગત પ્રમાણે બિલ્ડિંગના લિફ્ટમાં આગ લાગી હતી, હજુ સુધી આગ લાગવાનું કારણ સામે આવ્યું નથી.
અમદાવાદ શહેરમાં એક બિલ્ડિંગમાં આગ લાગવાની ઘટના બની છે. આ આગ લાગવાની જાણ થતા જ ફાયર વિભાગની ટીમ ઘટના સ્થળે પહોંચી ગઈ છે. હાલ આગ પર કાબુ મેળવવાનો પ્રયાસ ચાલુ છે. આગ લાગવાનું કારણ જાણી શકાયું નથી.
શહેરના જીવરાજ પાર્કમાં આવેલી એક બિલ્ડિંગમાં આગ લાગી હોવાની ઘટના સામે આવી છે. આ ઘટનાને પગલે ફાયર વિભાગની ૧૦ ગાડી ઘટના સ્થળે પહોંચી ગઈ છે અને હાલ આગ પર કાબું મેળવવાનો પ્રયાસ હાથ ધરવામાં આવી રહ્યો છે. પ્રાથમિક વિગત પ્રમાણે બિલ્ડિંગના લિફ્ટમાં આગ લાગી હતી. જો કે હજુ સુધી આગ લાગવાનું કારણ સામે આવ્યું નથી. આ આગની ઘટનાથી બિલ્ડિંગમાં નાસભાગ થઈ હતી. આગમાં ફસાયેલા ત્રણ લોકોનું રેસક્યું કરવામાં આવ્યું હતું.
જીવરાજ પાર્કમાં આવેલા એક ખાનગી પેટ્રોલ પંપ નજીક અવધ આર્કેડ બિલ્ડીંગમાં આગ લાગવાની ઘટના બની હતી. આગ બિલ્ડિંગના બેઝમેન્ટમાં આવેલી લિફ્ટમાં લાગી હતી. આગ લાગતા ધુમાડો આખી બિલ્ડિંગમાં ફેલાયો હતો. આ આગના બનાવને પગલે અધિકારી ઘટનાસ્થળ પર પહોંચ્યા હતા. અવધ આર્કેડમાં હોટલ અને ગાડીનો શોરૂમ આવેલો છે. આગ પર કાબું મેળવવાની કાર્યવાહી હાલ ચાલુ છે.