કાર અને ખાનગી બસ વચ્ચે ટક્કર થતા અકસ્માતની ઘટના બની હતી, એક યુવક ગંભીર રીતે ઘાયલ થતા ડુંગરપુર ખાતેની હોસ્પિટલમાં ખસેડવામાં આવ્યો.
રાજસ્થાનમાં મોડી રાતે નેશનલ હાઈવે ૪૮ પર ભયાનક અકસ્માત થયો હતો જેમાં ગુજરાતના ચાર યુવકોના મોત થયા છે જ્યારે એક યુવક ગંભીર રીતે ઘાયલ થયો હતો જેને સારવાર માટે હોસ્પિટલમાં ખસેડવામાં આવ્યો હતો.
ગુજરાત અને રાજસ્થાન બોર્ડર નેશનલ હાઈવે ૪૮ પર રતનપુર ચેકપોસ્ટથી નજીક વીંછીવાડાની હદમાં મોડી રાતે કાર અને ખાનગી બસ વચ્ચે ટક્કર થતા અકસ્માતની ઘટના બની હતી જેમાં ગુજરાતના ચાર યુવકોના ઘટનાસ્થળે જ મોત થયા હતા જ્યારે એક યુવક ગંભીર રીતે ઘાયલ થતા તેને સારવાર અર્થે ડુંગરપુર ખાતેની હોસ્પિટલમાં ખસેડવામાં આવ્યો હતો. ઘટનાની મળતી માહિતી મુજબ મૃતક ચારેય યુવક મોડાસાના રહેવાસી હોવાનુ જાણવા મળ્યું છે.