ત્રણ દિવસના ભારત પ્રવાસે પહોંચ્યા કેન્યાના રાષ્ટ્રપતિ વિલિયમ સામોઈ રૂટો
કેન્યાના રાષ્ટ્રપતિ વિલિયમ સમોઆ રૂટો ભારતની ત્રણ દિવસીય મુલાકાતે સોમવારે નવી દિલ્હી પહોંચ્યા. તેમની સાથે ઉચ્ચ સ્તરીય સત્તાવાર પ્રતિનિધિમંડળ પણ છે. રૂટોની આ પ્રથમ ભારત મુલાકાત છે. આજે રાષ્ટ્રપતિ ભવનમાં તેમનું ઔપચારિક સ્વાગત કરવામાં આવશે. રાષ્ટ્રપતિ રૂટો બપોરે પ્રધાનમંત્રી નરેન્દ્ર મોદી સાથે ચર્ચા કરશે. સાંજે તેઓ રાષ્ટ્રપતિ દ્રૌપદી મુર્મુને મળશે. રાષ્ટ્રપતિ મુર્મુ દ્વારા તેમના સન્માનમાં રાજ્ય ભોજન સમારંભનું આયોજન કરવામાં આવશે.
કેન્યાના રાષ્ટ્રપતિ વેપાર અને રોકાણ કાર્યક્રમમાં પણ ભાગ લેશે. આ મુલાકાતથી બંને દેશો વચ્ચેના દ્વિપક્ષીય સંબંધો વધુ મજબૂત થવાની આશા છે.