અરબી સમુદ્રમાંથી ભેજવાળા પવનો આવી રહ્યા છે જેના કારણે ગુજરાતના કેટલાક ભાગોમાં સામાન્ય વરસાદ રહેવાની આગાહી છે.
આજે સવારે ગુજરાતના કચ્છ અને દ્વારકાના કેટલાક વિસ્તારોમાં વીજળીના કડાકાભડાકા સાથે છૂટોછવાયો વરસાદ વરસ્યો હતો. ત્યારે હવામાન વિભાગે આગામી ૨૪ કલાકમાં ગુજરાતના કેટલાક વિસ્તારોમાં હળવા વરસાદની આગાહી કરી છે. અરબસાગરમાંથી પવનો ભેજ લઈને આવતા હોવાથી ગુજરાતમાં વરસાદની શક્યતા સેવાઇ રહી છે.
ગુજરાતના વાતાવરણ અંગે આગાહી કરતા અમદાવાદ કેન્દ્રના હવામાન વિભાગના ડાયરેક્ટર, ડો. મનોરમા મોહન્તીના જણાવ્યા પ્રમાણે, સૌરાષ્ટ્ર અને કચ્છમાં વીજળીના કડાકાભડાકા સાથે વરસાદની આગાહી છે જ્યારે આ ઉપરાંતના પ્રદેશોમાં સામાન્ય વરસાદ થવાની શક્યતા છે.
આ સાથે તેમણે કયા કયા વિસ્તારોમાં કેવો વરસાદ થશે તે અંગેની માહિતી આપતા જણાવ્યુ કે, સૌરાષ્ટ્રમાં કચ્છ અને જામનગરમાં વરસાદ થવાની આગાહી છે. આ સાથે વલસાડ અને નવસારીમાં સામાન્ય વરસાદ વરસી શકે છે.
અરબી સમુદ્રમાંથી ભેજવાળા જે પવનો આવી રહ્યા છે જેના કારણે ગુજરાતના કેટલાક ભાગોમાં સામાન્ય વરસાદ રહેવાની આગાહી છે.
આમદાવાદમાં ૧૬ ડિગ્રી તાપમાન નોંધાયું છે. રાજ્યમાં આગામી બેથી ત્રણ દિવસ તાપમાનમાં વધુ ફેરફાર ન થવાની શક્યતા છે. નલિયામાં ૧૧ થી ૧૪ ડિગ્રી તાપમાન નોંધાવવાની શક્યતા છે. જયારે અમદાવાદમાં ૧૫ થી ૧૭ ડિગ્રી તાપમાન રહેવાની શક્યતા
જિલ્લાઓમાં હળવા વરસાદની શક્યતા છે ત્યાં દિવસનું તાપમાન ઓછું નોંધાતા ઠંડીનો અનુભવ થશે. આ ઉપરાંત આગામી બેથી ત્રણ દિવસ તાપમાનમાં વધુ ફેરફાર નહી થાય. હાલ નલિયામાં ૧૧ થી ૧૪ ડિગ્રી તાપમાન, જયારે અમદાવાદમાં ૧૫ થી ૧૭ ડિગ્રી તાપમાન રહેવાની શક્યતા સેવવામાં આવી છે.