કડક સુરક્ષા વ્યવસ્થા વચ્ચે સલમાન ખાનના પનવેલ ફાર્મ હાઉસમાં બે લોકો બળજબરીથી ઘૂસવાનો પ્રયાસ કરી રહ્યા હતા, હાલ પોલીસે તેમની ધરપકડ કરી છે.
સલમાન ખાનની સુરક્ષા સાથે જોડાયેલ એક મામલો સામે આવ્યો છે. એ વાત તો જાણીતી જ છે કે ગયા વર્ષે, અભિનેતાને બિશ્નોઈ ગેંગ તરફથી જાનથી મારી નાખવાની ધમકી મળી હતી, ત્યારબાદ તેની સુરક્ષા માટે કડક વ્યવસ્થા કરવામાં આવી હતી.
સુરક્ષામાં ખામીના સમાચાર સામે આવી રહ્યા છે. કહેવામાં આવી રહ્યું છે કે અભિનેતાના પનવેલ ફાર્મ હાઉસમાં બે શકમંદો ઘૂસવાનો પ્રયાસ કરી રહ્યા હતા, જેમની ધરપકડ કરવામાં આવી છે.
અહેવાલો અનુસાર, નવી મુંબઈના પનવેલ સ્થિત સલમાન ખાનના ફાર્મ હાઉસમાં ગુરુવારે સાંજે ૦૪:૦૦ વાગ્યાની આસપાસ બે અજાણ્યા લોકો ઘૂસવાનો પ્રયાસ કરી રહ્યા હતા. તેને ફાર્મ હાઉસમાં પ્રવેશતા જોઈને ત્યાં હાજર સુરક્ષાકર્મીઓએ તેને રોકી દીધો, ત્યારબાદ ફાર્મ હાઉસના મેનેજરને પણ બોલાવવામાં આવ્યો.
પૂછપરછ કરવામાં આવી તો બંને વ્યક્તિઓ પોતાને સલમાન ખાનના ચાહક ગણાવતા હતા. આમ છતાં સુરક્ષાકર્મીઓએ તેની વાત માની નહીં અને પોલીસને બોલાવી. સુરક્ષકર્મીઓએ બંનેને પોલીસને હવાલે કર્યા હતા. કહેવામાં આવી રહ્યું છે કે તાર તોડીને અંદર ઘૂસવાનો પ્રયાસ કરી રહ્યા હતા.
આપણે ૨૨ જાન્યુઆરીને દિવસે શું શું કરીશુ?
