ભારત-ચીન સરહદ વિવાદ: અમે ચીનને જવાબ આપવા તૈયાર

ભારત અને ચીન વચ્ચે વર્ષોથી સરહદ વિવાદ ચાલી રહ્યો છે. વર્ષ ૨૦૨૦ માં લદ્દાખની ગલવાન ખીણમાં બંને દેશોના સૈનિકો વચ્ચે હિંસક અથડામણ પણ થઈ હતી. ચીનનો ઘણા દેશો સાથે સરહદ વિવાદ ચાલી રહ્યો છે. આ ઉપરાંત તે દાદાગીરી પણ કરતું રહ્યું છે, ત્યારે સંરક્ષણ સચિવ ગિરિધર અરમાને એ ચીનની દાદાગીરીનો જવાબ આપતા કહ્યું કે, ભારત સરહદ પર ધમકાવનાર ચીનને મજબૂતીથી જવાબ આપી રહ્યો છે અને અમેરિકા પણ ભારતની પડખે ઉભુ રહેશે.

સંરક્ષણ સચિવ અરમાનેએ ભારતીયો અને અમેરિકન સંરક્ષણ ઉદ્યોગ વચ્ચે યોજાયેલા કાર્યક્રમમાં કહ્યું કે, ‘અમે આગામી પડકારોને ધ્યાને રાખી ચીન સાથે ચર્ચા કરવાનું ચાલુ રાખીશું. ગલવાનની ઘટના આપણે હંમેશા સક્રિય રાખશે. જ્યારે પણ ભારત-ચીનનો સામનો થશે, તો આશા છે કે, અમેરિકા ભારત સાથે ઉભો રહેશે. અમે નિશ્ચિતપણે ધમકી આપનારાઓ વિરુદ્ધ ઉભા છીએ. જો આપણને અમેરિકાના સમર્થનની જરૂર પડશે તો તે આપણી સાથે ઉભો રહેશે. જો ભારત પર કોઈપણ સામાન્ય ખતરો આવે તો અમેરિકાના સમર્થનની ખાતરી કરવી જરૂરી છે. આપણે મજબૂત સંકલ્પ સાથે સામાન્ય ખતરા વિરુદ્ધ એક-બીજાનું સમર્થન કરીએ છીએ, જે અમારા માટે ખુબ જ મહત્વપૂર્ણ છે.’