પીએમ મોદી વિરુદ્ધ ટીએમસીની ચૂંટણી પંચમાં ફરિયાદ

પીએમ નરેન્દ્ર મોદી સામે મમતા બેનર્જીની ટીએમસ એ ચૂંટણી પંચમાં ફરિયાદ કરી છે. તૃણમુલ કોંગ્રેસના નેતા ડેરેક ઓ બ્રાયને પીએમ મોદી પર આચાર સંહિતના ભંગ કરવાનો આક્ષેપ મુક્યો છે. તેમણે આ મામલે તાત્કાલિક પગલાં લેવાની માંગણી કરી છે. ઉ્લ્લેખનિય છે કે, લોકસભા ચૂંટણી ૨૦૨૪ની તારીખ જાહેર થઇ ગઇ છે. આ સાથે જ દેશભરમાં ચૂંટણી આચાર સંહિતા પણ લાગુ થઇ છે.

મોદી સરકારે વોટ્સઅપ મેસેજ મોકલી આચાર સંહિતના ભંગ કર્યો – ડેરેક ઓ બ્રાયન

ટીએમસી નેતા ડેરેક ઓ બ્રાયને એક પત્રમાં લખ્યું છે – અમારા ધ્યાને આવ્યું છે કે વડાપ્રધાન નરેન્દ્ર મોદીએ 15 માર્ચ ૨૦૨૪ ના રોજ એક પત્ર લખ્યો છે, જે મારા પ્રિય કુટુંબના સભ્ય ને સંબોધવામાં આવ્યો છે, જેમાં તેમણે છેલ્લા એક દાયકામાં ભાજપની આગેવાની હેઠળની કેન્દ્ર સરકાર દ્વારા શરૂ કરાયેલા વિવિધ કાર્યક્રમો/યોજનાઓ પર પ્રકાશ પાડવામાં આવ્યો છે . આ પત્ર સમગ્ર દેશમાં વોટ્સઅપ મેસેજ દ્વારા સામૂહિક રીતે ફોરવર્ડ કરવામાં આવ્યા છે.

ટીએમસી નેતાએ પત્રમાં લખ્યું છે – આઘાતજનક રીતે પીએમ નરેન્દ્ર મોદીના પત્રની સાથે એક સંદેશ છે જે આ મુજબ છે : આ પત્ર માનનીય વડાપ્રધાન નરેન્દ્ર મોદીના નેતૃત્વ હેઠળ ભારત સરકાર દ્વારા મોકલવામાં આવ્યો છે. છેલ્લા ૧૦ વર્ષમાં ભારતના ૧૪૦ કરોડથી વધુ નાગરિકોને ભારત સરકારની વિવિધ યોજનાઓનો સીધો લાભ મળ્યો છે અને ભવિષ્યમાં પણ લાભ મળતો રહેશે. વિકાસીત ભારતનો સંકલ્પ પુરો કરવા માટે તમારા સાથ અને તમારા સૂચન બહુ મહત્વપૂર્ણ છે. આથી તમને વિનંતી છે કે, યોજનાઓને લઇ તમારા વિચારો અવશ્ય લખો. ધન્યવાદ.