ગુજરાતમાં એપ્રિલના અંતમાં પડશે કાળઝાર ગરમી

ગુજરાતના લોકોને અત્યારે ગરમીમાંથી રાહત છે. જોકે, આગામી દિવસોમાં કાળઝાર ગરમીનો સામનો કરવો પડશે. અહીં જાણો આજના હવામાન વિશે.

ગુજરાતમાં છેલ્લા ત્રણ ચાર દિવસથી ગરમીના પ્રમાણમાં ઘટાડો જોવા મળ્યો છે. જોકે, આગામી દિવસોમાં ભીષણ ગરમી પડવાનું અનુમાન છે. અત્યારે વેસ્ટર્ન્ડ ડિસ્ટર્બન્સના કારણે આકાશમાં વાદળછાયું વાતાવરણ રહેવાના પગલે ગરમીમાં ઘટાડો નોંધાયો છે. છેલ્લા ત્રણ ચાર દિવસથી ગરમી ૩-૪ ડિગ્રી જેટલો ઘટાડો નોંધાયો છે. રવિવારની વાત કરીએ તો રવિવારે સૌથી વધારે ગરમી વિદ્યાનગરમાં ૪૦.૧ ડિગ્રી નોંધાઈ હતી. જ્યારે સૌથી ઓછી ગરમી વેરાવણમાં ૩૧.૪ ડિગ્રી નોંધાઈ હતી.

અમદાવાદમાં ત્રણ દિવસમાં બે ડિગ્રી ઘટી ગરમી

હવામાન વિભાગે જાહેર કરેલા આંકડા પ્રમાણે અમદાવાદમાં છેલ્લા ત્રણ દિવસમાં બે ડિગ્રી જેટલી ગરમી ઘટી હતી. અમદાવાદમાં ગત શુક્રવારે ૩૯.૫ ડિગ્રી મહત્તમ તાપમાન નોંધાયું હતું. જ્યારે રવિવારે અમદાવાદમાં ૩૭.૭ ડિગ્રી મહત્તમ તાપમાન નોંધાયું હતું. આમ છેલ્લા ત્રણ દિવસમાં આશરે બે ડિગ્રી જેટલું તાપમાન ઘટ્યું હતું. જોકે, ગત બુધવારે અમદાવાદમાં મહત્તમ તાપમાન ૪૨.૨ ડિગ્રી નોંધાયું હતું.

સમગ્ર ગુજરાતમાં ગરમી ઘટના રાહતનો લોકોએ લીધો શ્વાસ

સામાન્ય રીતે ગુજરાતમાં અમદાવાદ સહિત મોટભાગના વિસ્તારોમાં ગરમીનો પારો ૪૦ ને વટાવતો હોય છે. જોકે ઉનાળાની આ સિઝનમાં તાપમાન એકવાર ૪૦ ને વટાવી ફરીથી ઘટી ગયું હતું. વેસ્ટર્ન ડિસ્ટર્બન્સના કારણે ગુજરાતના મોટાભાગના વિસ્તારોમાં ગરમી ઘટના લોકોએ રાહતનો શ્વાસ લીધો હતો. રવિવારે ગુજરાતમાં ૩૧ ડિગ્રીથી લઈને ૪૦ ડિગ્રી સુધી ગરમી નોંધાઈ હતી.

રવિવારે ગુજરાતમાં ક્યાં કેટલી ગરમી નોંધાઈ?

એપ્રીલના અંતમાં પડશે કાળઝાળ ગરમી

હવામાન વિભાગના જણાવ્યા પ્રમાણે અત્યારે વેસ્ટર્ન ડિસ્ટર્બન્સના કારણે વાદળછાયું વાતારવણ રહેતા ગરમીનો પારો ઘટ્યો છે. જોકે, આગામી દિવસોમાં વાદળો હટવાની સાથે જ કાળઝાળ ગરમી પડશે. ગરમીનો પારો ફરથી ૪૦ ડિગ્રીને વટાવશે. હીટવેવની ચેતવણી પણ અપાશે.