આજે આંતરરાષ્ટ્રીય એવરેસ્ટ દિવસ

માઉન્ટ એવરેસ્ટ દિવસ અથવા આંતરરાષ્ટ્રીય એવરેસ્ટ દિવસ દર વર્ષે ૨૯ મેના રોજ ઉજવવામાં આવે છે. આ દિવસ બે બહાદુર પર્વતારોહકો સર એડમન્ડ હિલેરી અને તેનઝિંગ નોર્ગે શેરપાના સન્માન માટે સમર્પિત છે, જે ૨૯ મે ૧૯૫૩ના રોજ વિશ્વના સૌથી ઊંચા પર્વત પર ચડ્યા હતા.

માઉન્ટ એવરેસ્ટ દિવસ ઈતિહાસ

૨૯ મે, ૧૯૫૩ના રોજ સવારે ૧૧:૩૦ કલાકે ન્યૂઝીલેન્ડના એડમન્ડ હિલેરી અને નેપાળના તેનઝિંગ નોર્ગેએ ૨૯ હજાર ૩૨ ફૂટ ઊંચા એવરેસ્ટના શિખર પર પહેલું પગલું ભર્યું હતું. આથી નેપાળે વર્ષ ૨૦૦૮માં જ્યારે પ્રખ્યાત પર્વતારોહક એડમન્ડ હિલેરીનું નિધન થયું ત્યારે તેમની યાદમાં ૨૯ મેને આંતરરાષ્ટ્રીય એવરેસ્ટ દિવસ તરીકે ઉજવવાનું નક્કી કર્યું.

બૌદ્ધ પરંપરા અનુસાર, તેનઝિંગે પર્વતની ટોચ પર દેવતાઓને બરફમાં દબાવીને મીઠાઈઓ અને બિસ્કિટ અર્પણ કર્યા હતા. સંયુક્ત રાષ્ટ્ર, નેપાળ અને ભારતના ધ્વજ સાથે ફોટા ખેંચ્યા હતા અને તળેટી તરફ પરત આવવાનું શરૂ કર્યુ હતું.

માઉન્ટ એવરેસ્ટ દિવસ મહત્વ

માઉન્ટ એવરેસ્ટ ડે નું મહત્વ લોકોને તેમના સપના સાકાર કરવા અને પર્યાવરણના મહત્વ વિશે જાગૃતિ લાવવા માટે પ્રેરણા આપવાનું છે. દરેક વ્યક્તિએ માઉન્ટ એવરેસ્ટ પર ચઢવા માટે તમામ અવરોધોને બહાદુરીથી સન્માનિત કરવા માટે આંતરરાષ્ટ્રીય એવરેસ્ટ દિવસની ઉજવણી કરવી જોઈએ. ટ્રેકિંગ, હિલ ક્લાઇમ્બિંગ વગેરે જેવી વિવિધ પ્રવૃત્તિઓ અજમાવવા માટે પણ આ એક ઉત્તમ દિવસ છે.

ઇન્ટરનેશનલ એવરેસ્ટ ડે એ એવા લોકોની બહાદુરી અને સહનશક્તિને ઓળખવાની તક છે કે જેમણે તેના પર ચઢવાનો પ્રયાસ કર્યો છે. અન્ય લોકોને જોખમ લેવા અને તેમના લક્ષ્યોને પ્રાપ્ત કરવા પ્રેરણા આપવા માટે છે.