ક્યારે જાહેર થશે એક્ઝિટ પોલ?

લોકસભા ચૂંટણી ૨૦૨૪ માં સાતમા તબક્કાનું મતદાન બાકી છે. ૧ જૂને સાતમા તબક્કાનું મતદાન થવાનું છે અને આ સાથે જ મતદાનની પ્રક્રિયા સંપૂર્ણપણે પૂરી થઈ જશે. પરિણામ ૪ જૂને જાહેર કરવામાં આવશે. લોકસભાની ચૂંટણીમાં કોની સરકાર બનશે તે વોટિંગના દિવસે સાંજે ચાર વાગ્યા સુધીમાં સ્પષ્ટ થઈ જશે. જો મુકાબલા રસપ્રદ હશે તો પાંચમી જૂનની સવાર સુધીમાં તમામ પરિણામો ચૂંટણી પંચ દ્વારા જાહેર કરી દેવામાં આવશે અને ત્યાર બાદ રાજકીય પક્ષો પોતાના આગળના પત્તા ખોલશે.

લોકસભા ચૂંટણી ૨૦૨૪ના પરિણામો પહેલા લોકોના મનમાં એક્ઝિટ પોલને લઈને પણ સવાલો ઉઠી રહ્યા છે. આવો તમને આવા જ કેટલાક મહત્વના સવાલો અને તેના જવાબો વિશે જણાવીએ.

લોકસભા ચૂંટણી ૨૦૨૪ સાથે જોડાયેલા એક્ઝિટ પોલની જાહેરાત ક્યારે થશે?

૧ જૂને છેલ્લા તબક્કાનું મતદાન પૂરું થયા બાદ વિવિધ ન્યૂઝ ચેનલો અને રિસર્ચ એજન્સીઓ દ્વારા ટૂંક જ સમયમાં એક્ઝિટ પોલ જાહેર કરવામાં આવશે. એક્ઝિટ પોલ એ ચૂંટણીના પરિણામ વિશેનો અંદાજ છે. તે ઘણી વખત સાચા પડ્યા છે અને ઘણી વખત સંપૂર્ણપણે ખોટા સાબિત થયા છે.

લોકસભા ચૂંટણીના પરિણામ પહેલા કયા રાજ્યોની વિધાનસભા ચૂંટણીના પરિણામ જાહેર થશે?

છેલ્લા તબક્કાના મતદાનના એક દિવસ બાદ 2 જૂને ચૂંટણી પંચ દ્વારા સિક્કિમ અને અરુણાચલ પ્રદેશમાં વિધાનસભા ચૂંટણીના પરિણામો જાહેર કરવામાં આવશે. ઓડિશા અને આંધ્ર પ્રદેશમાં વિધાનસભાની ચૂંટણીના પરિણામો ૪ જૂને લોકસભાના પરિણામોની સાથે જાહેર કરવામાં આવશે.

લોકસભા અને વિધાનસભાની ચૂંટણીના પરિણામો કેવી રીતે ચેક કરશો?

વિવિધ ન્યૂઝ ચેનલો ૨ જૂને સિક્કિમ અને અરુણાચલ પ્રદેશની વિધાનસભા ચૂંટણી અંગે અપડેટ કરતી રહેશે. એ જ રીતે ૪ જૂને ઓડિશા અને આંધ્રપ્રદેશ વિધાનસભા ચૂંટણીના પરિણામો અને લોકસભા ચૂંટણીના પરિણામો ન્યૂઝ ચેનલો પર આપવામાં આવશે. પરંતુ તમે સૌથી સચોટ ચૂંટણી પરિણામો ચૂંટણી પંચની સત્તાવાર વેબસાઇટ – www.eci.gov.in અને વિશ્વ સમાચાર મેળવી શકશો.

લોકસભા ચૂંટણી ૨૦૨૪માં આ ઉમેદવારો પર રહેશે નજર