ઇંગ્લેન્ડનો ભારત સામે સૌથી સફળ રનચેઝ, 47 વર્ષ જૂનો રેકોર્ડ તોડ્યો; બેરસ્ટોએ કરિયરની 11મી સદી મારી : શ્રેણી ૧-૧ થી બરાબર

ઇંગ્લેન્ડે ત્રણ વનડે શ્રેણીની બીજી મેચમાં પુણે ખાતે ભારતને 6 વિકેટે હરાવ્યું છે. 337 રનનો પીછો કરતાં ઇંગ્લિશ ટીમે 43.3 ઓવરમાં ટાર્ગેટ ચેઝ કર્યો. આ તેમનો ભારત સામે વનડેમાં સૌથી સફળ રનચેઝ છે. અગાઉ 47 વર્ષ પહેલાં તેમણે 1974માં લીડ્સ ખાતે 266 રન ચેઝ કર્યા હતા. આ મેચ જીતીને ઇંગ્લિશ ટીમે શ્રેણી 1-1થી બરાબર કરી દીધી છે. અંતિમ વનડે 28 માર્ચે પુણે ખાતે જ રમાશે.

બેરસ્ટોએ કરિયરની 11મી સદી મારી
જોની બેરસ્ટોએ પોતાના કરિયરની 11મી સદી ફટકારતાં 11 ફોર અને 7 સિક્સની મદદથી 124 રન બનાવ્યા હતા. તે કૃષ્ણ પ્રસિદ્વની બોલિંગમાં વિરાટ કોહલી દ્વારા કેચ આઉટ થયો હતો. ત્યારબાદ જોસ બટલર શૂન્ય રને કૃષ્ણની એ જ ઓવરમાં બોલ્ડ થયો હતો. ઉલ્લેખનીય છે કે, ભારતીય ટીમે ઇંગ્લેન્ડ સામે છેલ્લી 5 વનડેમાંથી ચારમાં હારનો સામનો કર્યો છે. એક જીત વર્તમાન શ્રેણીની પહેલી વનડેમાં મળી હતી, જે ગેમ ભારતે 66 રને પોતાના નામે કરી હતી.

વનડેમાં સદી માર્યા વગર એક ઇનિંગ્સમાં સૌથી વધુ સિક્સ:

સ્ટોક્સ 1 રન માટે સદી ચૂક્યો
ઇંગ્લિશ ઓલરાઉન્ડર બેન સ્ટોક્સ 1 રન માટે સદી ચૂક્યો હતો. તેણે પોતાના વનડે કરિયરની 21મી ફિફટી ફટકારતાં 52 બોલમાં 4 ફોર અને 10 સિક્સની મદદથી 99 રન કર્યા. તે ભુવનેશ્વર કુમારની બોલિંગમાં વિકેટકીપર ઋષભ પંતના હાથે કેચ આઉટ થયો હતો. તેણે અને બેરસ્ટોએ બીજી વિકેટ માટે 175 રનની ભાગીદારી કરી હતી.

વનડેમાં સૌથી ઝડપી 11 સદી:

રોય-બેરસ્ટોએ સતત ત્રીજી વનડેમાં ભારત વિરુદ્ધ 100+ રનની ઓપનિંગ પાર્ટનરશિપ કરી:

રોયની 19મી ફિફટી
જેસન રોયે પોતાના વનડે કરિયરની 19મી ફિફટી ફટકારતાં 52 બોલમાં 7 ફોર અને 1 સિક્સની મદદથી 55 રન કર્યા હતા. તેણે અને જોની બેરસ્ટોએ પ્રથમ વિકેટ માટે 110 રનની ભાગીદારી કરી હતી. તેમજ તેની અને બેરસ્ટોની જોડીએ સતત ત્રીજી વનડેમાં ભારત વિરુદ્ધ 100+ રન બનાવ્યા. આ પહેલાં ઓસ્ટ્રેલિયાના એડમ ગિલક્રિસ્ટ અને મેથ્યુ હેડને 2003માં ભારત વિરુદ્ધ સતત ત્રણ વનડેમાં 100+ રનની ઓપનિંગ ભાગીદારી કરી હતી.

રોયે પ્રસિદ્ધની એક ઓવરમાં ત્રણ ફોર મારી
ઇંગ્લેન્ડની ઇનિંગ્સની છઠ્ઠી ઓવરમાં જેસન રોયે પ્રસિદ્વની બોલિંગમાં ત્રણ ફોર મારી હતી. તેણે ઓવરના પ્રથમ બોલે મિડવિકેટ, બીજા બોલે સ્કવેર લેગ અને ચોથા બોલે ફાઈન લેગ બાઉન્ડરી પર બોલ પહોંચાડ્યો હતો.

ભારતે 337 રનનો ટાર્ગેટ આપ્યો
ભારતે ઇંગ્લેન્ડ સામે ત્રણ વનડે શ્રેણીની બીજી મેચમાં પુણે ખાતે 50 ઓવરમાં 6 વિકેટે 336 રન કર્યા છે. ટીમ ઇન્ડિયા માટે લોકેશ રાહુલે વનડે કરિયરની પાંચમી ફિફટી ફટકારતાં 108 રન બનાવ્યા. જ્યારે ઋષભ પંતે 77 અને વિરાટ કોહલીએ 66 રનનું યોગદાન આપ્યું. હાર્દિક પંડ્યાએ 16 બોલમાં 35 રન ફટકારીને ઇનિંગ્સને ફિનિશિંગ ટચ આપ્યો. ઇંગ્લેન્ડ માટે રીસ ટોપ્લે અને ટોમ કરને 2-2 વિકેટ, આદિલ રાશિદ અને સેમ કરને 1-1 વિકેટ ઝડપી.