ગોવિંદાએ ચાહકોની સામે હાથ જોડી, ફ્લાઈંગ કિસ આપી.
બોલિવૂડ એક્ટર ગોવિંદા પોતાની લાયસન્સવાળી રિવોલ્વરથી ઘાયલ થયો હતો. આ અકસ્માત બાદ અભિનેતાને હોસ્પિટલમાં દાખલ કરવામાં આવ્યો હતો. હવે ગોવિંદા સ્વસ્થ છે અને તેને હોસ્પિટલમાંથી રજા આપવામાં આવી છે. હૉસ્પિટલમાંથી બહાર આવતાની સાથે જ અભિનેતાએ હાથ જોડીને બધાનો આભાર માન્યો અને બધાના આશીર્વાદ અને પ્રાર્થના માટે પણ આભાર માન્યો. ગોવિંદાને હોસ્પિટલમાંથી રજા આપવામાં આવી હોવાનો વીડિયો સોશિયલ મીડિયા પર સામે આવ્યો છે, જેમાં તમે ચિચીની હાલત પણ જોઈ શકો છો.
સોશિયલ મીડિયા પર સામે આવેલા વીડિયોમાં સ્પષ્ટ જોઈ શકાય છે કે ગોવિંદા વ્હીલ ચેર પર બેઠા છે. આ દરમિયાન અભિનેતાની પત્ની અને પુત્રી ટીના તેની સાથે હાજર છે. હૉસ્પિટલમાંથી બહાર આવતાની સાથે જ ચિચીએ બધાની સામે હાથ જોડીને કહ્યું કે બધાનો આભાર. આ દરમિયાન અભિનેતાએ તમામ ચાહકોને ફ્લાઈંગ કિસ આપી અને ગોવિંદા પણ ભાવુક દેખાયા. અભિનેતા હોસ્પિટલમાંથી બહાર આવતાની સાથે જ તેના ચાહકોના ચહેરા પર ખુશીની લહેર દોડી ગઈ હતી.
ગોવિંદાનો વધુ એક વીડિયો સોશિયલ મીડિયા પર સામે આવ્યો છે. આ વિડિયોમાં ગોવિંદા કારમાં બેસીને પોતાના ઘરે જવા નીકળેલા જોવા મળે છે. સોશિયલ મીડિયા પર એક્ટરના ડિસ્ચાર્જનો વીડિયો સામે આવતા જ યુઝર્સે કોમેન્ટ કરવાનું શરૂ કરી દીધું હતું. તેના પર એક યુઝરે લખ્યું કે તમે જલ્દી સ્વસ્થ થઈ જશો. અન્ય એક યુઝરે લખ્યું કે તમારું જીવન ખૂબ જ કિંમતી છે, કૃપા કરીને તમારું ધ્યાન રાખો. ત્રીજા યુઝરે લખ્યું કે પ્લીઝ જલ્દી સ્વસ્થ થાઓ. આ પ્રકારની કોમેન્ટ કરીને યુઝર્સ હવે ગોવિંદાના ઝડપથી સાજા થવાની પ્રાર્થના કરી રહ્યા છે.
મંગળવારે સવારે લગભગ ૦૪:૪૫ વાગ્યે આ ઘટના બની હતી. ગોવિંદા કોલકાતા જતા પહેલા પોતાની રિવોલ્વર સાફ કરી રહ્યો હતો, આ દરમિયાન હાથમાંથી બંદૂક નીચે પડી જતા ગોળીબાર થયો હતો અને ગોળી અભિનેતાના પગમાં વાગી હતી. તપાસમાં રિવોલ્વરમાં ૬ ગોળીઓ ભરેલી હોવાનું જાણવા મળ્યું હતું. ઘરમાં હાજર લોકોએ ફાયરિંગનો અવાજ સાંભળ્યો કે તરત જ તેઓ અભિનેતા હોસ્પિટલ લઈ ગયા હતા.
ફાયરિંગનો કેસ હોવાથી પોલીસ તપાસ પણ કરવામાં આવી હતી. જેમાં આ ઘટના એક અકસ્માત હોવાનું જાણવા મળ્યું હતું.