લોકો બચેલા ભોજનને ખાતા હોય છે અને તેમાં કંઈ ખોટુ પણ નથી પરંતુ કેટલીક વસ્તુઓને ફરીથી ગરમ કરીને ખાવું ખોટી બાબત છે. જો તમે કેટલાક ફુડ્સને ફરીથી ગરમ કરીને ખાવ છો તો તેના પોષણ તત્વો ઓછા થઈ જાય છે.
મોટા ભાગના ભારતીયોની આદત હોય છે કે જમવાનું ફેંકતા નથી. આપણા માટે અન્નનું અપમાન કરવું પોતાનું અપમાન કરવું સમજવામાં આવે છે. લોકો જમવાનું ફ્રીજમાં રાખીને અને પછી તેને ગરમ કરીને ખાતા હોય છે. પરંતુ શું તમને ખબર છે કે કેટલીક વસ્તુઓ છે જેને આપણે એકવાર બન્યા બાદ ફરીથી ગરમ કરીએ છીએ તો તે આપણા માટે ઘાતક સાબિત થઈ શકે છે. અથવા સમજી શકાય કે તે ઝેર જેવું કામ કરે છે.
લોકો બચેલા ભોજનને ખાતા હોય છે અને તેમાં કંઈ ખોટુ પણ નથી પરંતુ કેટલીક વસ્તુઓને ફરીથી ગરમ કરીને ખાવું ખોટી બાબત છે. જો તમે કેટલાક ફુડ્સને ફરીથી ગરમ કરીને ખાવ છો તો તેના પોષણ તત્વો ઓછા થઈ જાય છે. માટે તમે જો તેને ફરીથી ગરમ કરો તો તે તમારા સ્વાસ્થ્યને નુક્સાન પહોંચાડી શકે છે. જ્યારે તમે ગરમ કરીને ખાવ છો તો તેની સંરચના બદલાઈ જાય છે જેનાથી હાનિકારક તત્વો ઉત્પન્ન થાય છે. જે તમારા સ્વાસ્થ્ય માટે ઝેર બની શકે છે.
બટાકાને ફરીથી ગરમ ના કરશો
)
જો તમે બટાકાને લાંબા સમય સુધી બહાર રાખો છો તો તેમાં બેક્ટેરિયા અને ઝેરી સંયોજનો વધવા લાગે છે. પછી જ્યારે આપણે તેને ફરીથી ગરમ કરીએ છીએ ત્યારે આ સંયોજનો સક્રિય થવા લાગે છે. જેના કારણે પેટમાં દુખાવો અને ગેસની સમસ્યા થઈ શકે છે.
ઇંડાને ફરીથી ગરમ કરશો નહીં.
જો તમે ઈંડાને ફરીથી ગરમ કરીને ખાઓ છો તો તેમાં રહેલા પ્રોટીનનું બંધારણ બદલાઈ જાય છે જેના કારણે આપણને પાચનમાં મુશ્કેલીનો સામનો કરવો પડે છે. જેના કારણે આપણું પાચનતંત્ર બગડી શકે છે અને અપચો અને ગેસ જેવી સમસ્યાઓ થઈ શકે છે.
પાલક અને લીલા પાંદડાવાળા શાકભાજી
પાલક અને લીલા પાંદડાવાળા શાકભાજીમાં નાઈટ્રેટની વધુ માત્રા જોવા મળે છે. જો તમે તેને ફરીથી ગરમ કરો છો તો નાઈટ્રેટ નાઈટ્રાઈટ અને પછી નાઈટ્રોસામાઈનમાં રૂપાંતરિત થઈ શકે છે. જે સ્વાસ્થ્યને નુકસાન પહોંચાડી શકે છે. જેના કારણે કેન્સર જેવી ગંભીર બીમારી થઈ શકે છે.
ચોખા ફરીથી ગરમ કરશો નહીં.
જો રાંધેલા ચોખાને યોગ્ય રીતે ઠંડુ કરીને સંગ્રહિત કરવામાં ન આવે તો તેમાં બેસિલસ સેરેયસ નામના બેક્ટેરિયા વધી શકે છે. આ બેક્ટેરિયાને ફરીથી ગરમ કર્યા પછી પણ તેનો નાશ થતો નથી. જેનાથી ફૂડ પોઈઝનિંગનું જોખમ વધી જાય છે.
