ભારત ઘરઆંગણે છેલ્લી 17 દ્વિપક્ષીય ટી-20 આંતરરાષ્ટ્રીય શ્રેણી હાર્યું નથી. ભારતે 2019થી અજેય લીડ જાળવી રાખી છે. શુક્રવારે ભારતીય ટીમે ઇંગ્લેન્ડને 15 રનથી હરાવ્યું.
શુક્રવારે એક રોમાંચક મેચમાં ભારતે ઈંગ્લેન્ડને 15 રનથી હરાવ્યું અને પાંચ મેચની T20 શ્રેણીમાં 3-1થી અજેય લીડ મેળવી લીધી.
પુણેમાં રમાઈ રહેલી ચોથી ટી20 મેચમાં, ભારત તરફથી હાર્દિક પંડ્યા અને શિવમ દુબેની તોફાની ઇનિંગ્સે ભારતને અજેય સ્કોર સુધી પહોંચાડવામાં મદદ કરી.
આ મેચમાં ભારતની શરૂઆત ખરાબ રહી હતી, ત્યારે આ બંને બેટ્સમેનોએ શાનદાર બેટિંગ કરી હતી અને ભારતના સ્કોરને 181 રન સુધી પહોંચાડ્યો હતો.
હાર્દિક પંડ્યાએ 4 છગ્ગા, 4 ચોગ્ગા અને શિવમ દુબેએ 7 ચોગ્ગા, 2 છગ્ગાની મદદથી 53-53 રન બનાવ્યા હતા.
ભારતીય ટીમે છેલ્લી 10 ઓવરમાં 109 રન બનાવ્યા.
ભારતે 20 ઓવરમાં નવ વિકેટે 181 રન બનાવ્યા.
અગાઉ, ઇંગ્લેન્ડે ટોસ જીતીને પ્રથમ બોલિંગ કરવાનો નિર્ણય લીધો હતો.
182 રનના લક્ષ્યાંકનો પીછો કરતી વખતે, ઇંગ્લેન્ડની ટીમે મજબૂત શરૂઆત કરી. ફિલ સોલ્ટે 23 રન અને બેન ડકેટે 39 રન બનાવીને ઈંગ્લેન્ડની ટીમને મજબૂત શરૂઆત અપાવી.
આ પછી, હેરી બ્રુક તેની ટીમ માટે સૌથી વધુ 51 રન (26 બોલમાં) બનાવનાર ખેલાડી બન્યો જેમાં પાંચ ચોગ્ગા અને બે છગ્ગાનો સમાવેશ થાય છે.
લિયામ 9 રન પર, જેકબ 6 રન પર, બ્રેડન અને જોફ્રા આર્ચર શૂન્ય રન પર આઉટ થયા.
જેમી ઓવરટને ઇનિંગ્સ સંભાળવાનો પ્રયાસ કર્યો અને 15 બોલમાં 19 રન બનાવ્યા.
પરંતુ તેના આઉટ થયા પછી, ઇંગ્લેન્ડની ટીમ તૂટી ગઈ.
એક સમયે ભારતને એક વિકેટની જરૂર હતી જ્યારે ઇંગ્લેન્ડને છ બોલમાં 19 રનની જરૂર હતી.
ઇંગ્લેન્ડની ટીમ 19.4 ઓવરમાં માત્ર 166 રન જ બનાવી શકી.
ભારત તરફથી રવિ બિશ્નોઈ અને હર્ષિત રાણાએ ત્રણ-ત્રણ વિકેટ લીધી જ્યારે અક્ષર પટેલે એક અને વરુણ ચક્રવર્તીએ બે વિકેટ લીધી. છેલ્લી વિકેટ અર્શદીપ સિંહે સાકિબ મહમૂદની બોલિંગમાં લીધી હતી.