અનંત અબાણીએ દ્વારકાધીશના ચરણોમાં શીશ ઝુકાવ્યું

રાધિકા મર્ચન્ટે કહ્યું, ‘આજે અનંતનો ૩૦ મો જન્મદિવસ છે. અમારા લગ્ન પછી આ પદયાત્રા કરવાની તેમની ઇચ્છા હતી… આજે અહીં તેમનો જન્મદિવસ ઉજવવાનો અમને ગર્વ છે. તેમની પદયાત્રાને સફળ બનાવવા માટે આશીર્વાદ આપનારા તમામ લોકોનો હું આભાર માનું છું…’

નીતા અંબાણીએ કહ્યું, ‘એક માતા તરીકે મારા નાના પુત્ર અનંતને દ્વારકાધીશના આ દિવ્ય સ્થાનની પદયાત્રા પૂર્ણ કરતા જોવું મારા માટે ખૂબ જ ગર્વની વાત છે કે… છેલ્લા ૧૦ દિવસથી, અનંતની પદયાત્રામાં સામેલ તમામ યુવાનો આપણી સંસ્કૃતિનો ફેલાવો કરી રહ્યા છે.’ હું દ્વારકાધીશને પ્રાર્થના કરું છું કે તેઓ અનંતને શક્તિ આપે…’

રિલાયન્સ ઇન્ડસ્ટ્રીઝ લિમિટેડના ડિરેક્ટર અનંત અંબાણીને તેમની મુલાકાત દરમિયાન સ્થાનિક લોકો તરફથી ઘણો આદર મળ્યો. ઘણા લોકો તેમની સાથે થોડા અંતર સુધી ચાલ્યા, કેટલાકે તેમને ભગવાન દ્વારકાધીશના ફોટોગ્રાફ્સ પણ આપ્યા

અનંત અંબાણી ખૂબ જ ધાર્મિક છે. તેમણે બદ્રીનાથ, કેદારનાથ, કામાખ્યા, નાથદ્વારા, કાલીઘાટ અને કુંભ મેળા જેવા મુખ્ય ધાર્મિક સ્થળોની મુલાકાત લીધી છે અને ત્યાં દાન પણ કરે છે. ધાર્મિક શ્રદ્ધાની સાથે, અનંત વ્યાપારિક દુનિયામાં પણ સક્રિય છે. તેઓ રિલાયન્સની રિફાઇનરી અને નવા ઉર્જા પ્રોજેક્ટ્સ સંભાળી રહ્યા છે. આ ઉપરાંત, તેમણે વંતારા નામનું એક પ્રાણી સંરક્ષણ કેન્દ્ર પણ શરૂ કર્યું છે, જેનું ઉદ્ઘાટન વડા પ્રધાન નરેન્દ્ર મોદીએ કર્યું હતું.