હવામાન વિભાગની આગાહી મુજબ આગામી ૭ દિવસ વાતાવરણ શુષ્ક રહેતા ગરમી વધશે તેમજ કચ્છ અને બનાસકાંઠા જિલ્લામાં હીટવેવની આગાહી કરવામાં આવી છે.
ગરમીને લઈ ફરી એકવાર હવામાન વિભાગની આગાહી સામે આવી છે. જે મુજબ આગામી ૭ દિવસ વાતાવરણ શુષ્ક રહેતા ગરમી વધશે તેમજ આગામી દિવસોમાં તાપમાન ૪૮ ડિગ્રી સુધી જવાની શક્યતા છે. ગરમીના પ્રકોપ પછી વેસ્ટન ડિસ્ટર્બન્સ સક્રિય થતા ગરમીમાં રાહત અનુભવાશે.
)
હવામાન વિભાગ દ્વારા કચ્છ અને બનાસકાંઠા જિલ્લામાં હીટવેવની આગાહી કરવામાં આવી છે. અત્રે જણાવીએ કે, પશ્ચિમ – ઉત્તર દિશાના પવન ફૂંકાશે. જ્યારે અમદાવાદ શહેરમાં ગરમીનો પારો ૪૨ ડિગ્રી સુધી પહોચ્યો છે. ત્યારે આગામી દિવસોમાં હજુ ગરમીમાં વધારો થશે. વેસ્ટન ડીસ્ટર્બન્સ સક્રિય થતા ગરમીમાં રાહત અનુભવાશે અને આ વર્ષે ગુજરાતમાં સારા વરસાદની સંભાવના પણ હવામાન વિભાગ દ્વારા વ્યક્ત કરવામાં આવી છે
ગુજરાતમાં આગામી સમયમાં હીટવેવ ની શક્યતાઓ ધ્યાને લઈ બચાવ અને રાહતના આગોતરા પગલાં લેવાં જરૂરી છે. હીટવેવથી માનસિક તાણ થાય છે અને મૃત્યુની પણ સંભાવના રહે છે. હીટવેવ દરમ્યાન તેની અસરને ઓછી કરવા કેટલાક પગલા લેવા જરૂરી છે
તરસ ન લાગે તો પણ જ્યારે પણ શક્ય હોય ત્યારે પૂરતું પાણી પીવા જોઈએ. આ સાથે, નાગરિકોને ઓરલ રીહાઇડ્રેશન સોલ્યુશન (ઓઆરએસ)નો ઉપયોગ કરવું અને લીંબુ શરબત, છાશ / લસ્સી, ફળોના રસ સાથે મિશ્રિત થોડું મીઠું જેવા ઘરે બનાવેલા પીણાં પીવા જોઈએ. પાતળા, ઢીલા, સુતરાઉ કપડાં, આછા રંગના કપડાં પહેરવાની અને સીધા સૂર્યપ્રકાશના સંપર્કમાં આવે ત્યારે છત્રીઓ, ટોપીઓ ટુવાલ અને અન્ય પરંપરાગત માથાના આવરણનો ઉપયોગ કરવું. હવામાનના સમાચારો માટે ટીવી જોતા રહેવું.
- ભીષણ ગરમી દરમિયાન વધુ પડતા પ્રોટીન યુક્ત ખોરાક ખાવાનું અને રાંધવાનું ટાળવું જોઈએ.
- ગરમીમાં ખાસ કરીને બપોરે ૧૨:૦૦ થી ૦૩:૦૦ વાગ્યા વચ્ચે ઘરેથી બહાર જવાનું ટાળો.
- ભલે તમને તરસ ન લાગી હો તો પણ પર્યાપ્ત માત્રામાં પાણી પીવાનું ભૂલશો નહીં.
- ગરમીમાં ડિહાઈડ્રેશનથી બચવા માટે લીંબુ પાણી, દહી, લસ્સી, છાસ સાથે-સાથે ફળોના જ્યૂસ પ
- તાજા ફળો જેમ કે કાકડી, તરબૂચ, લીંબુ, નારંગીનું સેવન કરો.
- હળવા રંગના પાતળા અને ઢીલા સુતરાઉ કપડાં પહેરો.
- બહાર ખુલ્લા પગે જવાનું ટાળો. બહાર જતી વખતે કે ખુલ્લા તડકામાં જતી વખતે છત્રી, ટોપી, ટુવાલ અથવા કોઈપણ વસ્તુથી તમારા માથાને ઢાંકવાનું રાખો.
- હીટ સ્ટ્રેસના લક્ષણો પર વિશેષ ધ્યાન આપો, જેમ કે ચક્કર, બેભાન, ઉબકા કે ઉલટી, માથાનો દુખાવો, વધુ પડતી તરસ લાગવી, એકદમ પીળો પેશાબ, પેશાબ ઓછો થવો, શ્વાસ લેવાની ગતિ અને હ્રદયમાં ધબકારા વધવા.
- બાળકો અને પાલતુ પ્રાણીઓને કારમાં એકલા છોડવાથી બચો, કારણ કે વાહનની અંદરનું તાપમાન વધી શકે છે જેનાથી ખતરનાક સ્થિતિ ઉત્પન્ન થવાની સંભાવના વધી શકે છે.
- તડકામાં જતા પહેલા સનસ્ક્રીનનો ઉપયોગ કરવાનું રાખો અને નિયમિતપણે તેન લગાવતા રહો.
