પાકિસ્તાનની રાજધાની ઇસ્લામાબાદ અને ઉત્તરીય વિસ્તારો અને અફઘાનિસ્તાનની તાજિકિસ્તાન સરહદ નજીકની જમીન ભૂકંપના આંચકાથી ધ્રુજી ઉઠી.
પાકિસ્તાનની રાજધાની ઇસ્લામાબાદ અને ઉત્તરીય વિસ્તારોમાં ભૂકંપના જોરદાર આંચકા અનુભવાયા હતા. શનિવારે (ભારતીય સમય) બપોરે ૧૨:૧૭ વાગ્યે આવેલા આ ભૂકંપની તીવ્રતા ૫.૯ માપવામાં આવી હતી. એક અઠવાડિયામાં દેશમાં આ ત્રીજો ભૂકંપ છે, જેનાથી લોકોમાં ગભરાટ ફેલાયો છે. ભારતના જમ્મુ અને કાશ્મીરમાં પણ ભૂકંપના આંચકા અનુભવાયા હતા. શ્રીનગર, બારામુલ્લા અને અનંતનાગ જેવા વિસ્તારોમાં વહેલી સવારે ધરતી ધ્રુજતા જ લોકો ગભરાઈ ગયા અને મોટી સંખ્યામાં લોકો પોતાના ઘરોમાંથી બહાર નીકળીને સુરક્ષિત સ્થળોએ પહોંચી ગયા
રાષ્ટ્રીય ભૂકંપ વિજ્ઞાન કેન્દ્ર અનુસાર આ ભૂકંપ ૯૪ કિલોમીટરની ઊંડાઈએ આવ્યો હતો. તેનું કેન્દ્ર અફઘાનિસ્તાન અને તાજિકિસ્તાન વચ્ચેના સરહદી વિસ્તારની નજીક સ્થિત હતું. આ વિસ્તાર ભૂકંપની દ્રષ્ટિએ સક્રિય ક્ષેત્ર છે, જે ઉત્તર પાકિસ્તાનમાં ભૂકંપનું કારણ બને છે. ભૂકંપના આંચકા ઇસ્લામાબાદ, લાહોર અને પંજાબ, ખૈબર પખ્તુનખ્વા અને ગિલગિટ-બાલ્ટિસ્તાનના વિવિધ જિલ્લાઓમાં અનુભવાયા હતા. જોકે અત્યાર સુધી કોઈ મોટું નુકસાન કે જાનહાનિના અહેવાલ નથી, પરંતુ સ્થાનિક લોકો ડરના માર્યા પોતાના ઘરો અને ઓફિસોમાંથી બહાર દોડી આવ્યા હતા.
શનિવારે સવારે અફઘાનિસ્તાનની તાજિકિસ્તાન સરહદ નજીકની જમીન ભૂકંપના આંચકાથી ધ્રુજી ઉઠી. ભૂકંપના તીવ્ર આંચકાથી વિસ્તારમાં ગભરાટ ફેલાયો હતો. રિક્ટર સ્કેલ પર તેની તીવ્રતા ૫.૯ માપવામાં આવી હતી. તેની અસર ફક્ત અફઘાનિસ્તાન સુધી મર્યાદિત ન હતી, પરંતુ ઉત્તર ભારતમાં જમ્મુ અને કાશ્મીર સુધી ભૂકંપના આંચકા અનુભવાયા હતા. વહેલી સવારે ધરતી ધ્રુજવા લાગતાની સાથે જ લોકો પોતાના ઘરોમાંથી બહાર નીકળી ગયા અને ઘણા વિસ્તારોમાં ગભરાટનો માહોલ સર્જાયો.
આ ભૂકંપ એક અઠવાડિયામાં ત્રીજો છે. આ પહેલા ૧૨ એપ્રિલે ૫.૫ ની તીવ્રતાનો ભૂકંપ આવ્યો હતો, જેનું કેન્દ્ર રાવલપિંડીના ઉત્તર-પશ્ચિમમાં ૬૦ કિમી દૂર હતું. આ ઉપરાંત ૧૬ એપ્રિલે હિન્દુકુશ ક્ષેત્રમાં ૫.૬ ની તીવ્રતાનો ભૂકંપ નોંધાયો હતો. પાકિસ્તાન એક ભૌગોલિક રીતે સક્રિય પ્રદેશમાં સ્થિત છે જ્યાં ભારતીય અને યુરેશિયન ટેક્ટોનિક પ્લેટો અથડાય છે. નિષ્ણાતો કહે છે કે નાના ભૂકંપ ટેક્ટોનિક પ્લેટોમાં સંગ્રહિત ઊર્જા મુક્ત કરે છે, જે મોટા ભૂકંપનું જોખમ ઘટાડી શકે છે. છતાં, વારંવાર આવતા ભૂકંપથી લોકોમાં ચિંતા વધી છે.
ભારતના જમ્મુ અને કાશ્મીરમાં પણ ભૂકંપના આંચકા અનુભવાયા હતા. શ્રીનગર, બારામુલ્લા અને અનંતનાગ જેવા વિસ્તારોમાં વહેલી સવારે ધરતી ધ્રુજતા જ લોકો ગભરાઈ ગયા અને મોટી સંખ્યામાં લોકો પોતાના ઘરોમાંથી બહાર નીકળીને સુરક્ષિત સ્થળોએ પહોંચી ગયા. સ્થાનિક વહીવટીતંત્રે સાવચેતીના પગલાં લીધા છે અને કોઈપણ પ્રકારની કટોકટીનો સામનો કરવા માટે તૈયારી શરૂ કરી દીધી છે. હવામાન વિભાગ અને રાષ્ટ્રીય આપત્તિ વ્યવસ્થાપન એજન્સી (NDMA) પરિસ્થિતિ પર નજર રાખી રહી છે.
