પહલગામ આતંકી હુમલાને પગલે સાઉદીની યાત્રા અધવચ્ચે પડતી મૂકી વડાપ્રધાન મોદી ભારત પરત

વડાપ્રધાન નરેન્દ્ર મોદી સાઉદી અરબની બે દિવસની મુલાકાતને ટૂંકાવીને એક જ દિવસમાં પાછા ભારત આવી ગયા છે. જમ્મુ-કાશ્મીરના પહલગામમાં થયેલા આતંકી હુમલાને ધ્યાનમાં રાખીને તેમણે આ નિર્ણય કર્યો હતો. હવે તેઓ કેબિનેટ બેઠકનું નેતૃત્વ કરી શકે છે.  જોકે સાઉદીની મુલાકાત દરમિયાન તેમણે કહ્યું કે આ વિસ્તારમાં રચનાત્મકતા અને સ્થિરતા માટેનું એક મહત્વનું પરિબળ બની રહ્યું છે. સમુદ્રીય પાડોશીઓ તરીકે ભારત અને સઉદી અરબસ્તાનનાં હિતો નૈસર્ગિક રીતે જ સમાન છે.

ગુપ્તચર એજન્સીઓ દ્વારા જારી કરાયેલ ચેતવણી કે પાકિસ્તાન જમ્મુ અને કાશ્મીરમાં ‘ઉનાળો ગરમ’ કરવા માટે તૈયાર છે સાચી સાબિત થઇ છે. આ હુમલામાં વિદેશી આતંકવાદીઓની ભૂમિકા પણ સામે આવી છે. અનેક ગુપ્તચર અધિકારીઓ માને છે કે જનરલ મુનીરના વાંધાજનક ભાષણને પગલે લશ્કરના સંગઠન ધ રેઝિસ્ટન્સ ફ્રન્ટે આ હુમલાને અંજામ આપ્યો હતો. ટીઆરએફએ આ હુમલાની જવાબદારી સ્વીકારી હતી. 

બંને આ વિસ્તારમાં શાંતિ અને સ્થિરતાના સંરક્ષણ માટે પ્રતિબદ્ધ છે. બંને વચ્ચે સ્થપાનારા સંરક્ષણ અંગેના સંબંધો અમારા વિસ્તૃત પાડોશી વિસ્તારોમાં ઊભા થતા પડકારોનો સામનો કરવાની પ્રતિબદ્ધતા દર્શાવે છે.

વડાપ્રધાને વધુમાં કહ્યુ, ‘સલામતી અંગે સહકાર સાધી રહ્યા છીએ અને તેમાં પ્રગતિ પણ થઈ રહી છે. અમે 2023માં અલ-મોહેદ, અલ-હીદી નામક બે નૌકાયુદ્ધ કવાયતો પણ કરી છે.

આ સાથે તેઓએ કહ્યુ કે સઉદી સશસ્ત્ર સૈન્યોની જરૂરિયાતો પૂરી કરવાનો અમને આનંદ છે.

ભારતમાં છેલ્લા દશકોથી સંરક્ષણ સાધનોનું ઉત્પાદન વધી રહ્યું છે. તેમાં શ્રેષ્ઠ કક્ષાના સાધનો જેવા કે નાના શસ્ત્રો, મોટા શસ્ત્રો, બખ્તરિયા ગાડીઓ, ટેન્ક વગેરેનું ઉત્પાદન થાય છે. એરફોર્સની જરૂરિયાતો પૂરી કરવા અમે ડ્રોન વિમાનો અદ્યતન નાના હેલિકોપ્ટર્સથી શરૂ કરી ફાયટર-જેટસ બનાવી રહ્યાં છીએ. નેવી ક્ષેત્રે અમે પેટ્રોલ-બોટસ, સબમરીન્સ અને વિમાન વાહક જહાજ પણ બનાવીએ છીએ. અમે માત્ર અમારી જ જરૂરતો પૂરી કરતા નથી, તેની નિકાસ પણ કરીએ છીએ. દુનિયના અનેક દેશો તે ખરીદે છે.