ભારત અને પાકિસ્તાન વચ્ચે સંઘર્ષની સ્થિતિ વચ્ચે અમેરિકાના ઉપ પ્રમુખ જે.ડી.વેન્સે એક મોટું નિવેદન આપ્યું છે. તેમણે કહ્યું છે કે અમેરિકા બંને દેશો વચ્ચેના યુદ્ધમાં સામેલ નહીં થાય. અમારે યુદ્ધ સાથે કોઈ લેવા દેવા નથી. એક ટીવી ઈન્ટરવ્યૂમાં જે.ડી.વેન્સે આ નિવેદન આપ્યું હતું.
અમેરિકા ભારત અને પાકિસ્તાનને નિયંત્રિત કરી શકે છે પરંતુ અમારો પ્રયાસ એ છે કે બંને પરમાણુ શક્તિ ધરાવતા દેશો તણાવ ઘટાડવા પ્રયાસ કરે. જ્યારે વેન્સને સવાલ કરાયો કે ભારત અને પાકિસ્તાન વચ્ચે સંભવિત પરમાણુ યુદ્ધ અંગે અમેરિકા કેટલી હદે ચિંતિત છે? તો તેમણે જવાબમાં કહ્યું કે અમને ચિંતા એ વાતની છે કે બંને દેશો પરમાણુ સક્ષમ છે અને તેમણે સંઘર્ષ ટાળવો જોઈએ. કોઈ મોટી લડાઈથી બચવું જોઇએ.
વેન્સે કહ્યું કે અમેરિકાના પ્રમુખ ટ્રમ્પ અને વિદેશ મંત્રી માર્કો રુબિયો બંને ઈચ્છે છે કે ભારત અને પાકિસ્તાન વચ્ચે તણાવની સ્થિતિમાં ઘટાડો થાય. ભારત પાકિસ્તાનની ફરિયાદ કરે છે અને પાકિસ્તાન એનો જવાબ આપી રહ્યો છે પણ અમે બંનેને તણાવ ઘટાડવા પ્રોત્સાહિત કરવાનો પ્રયાસ કરી રહ્યા છીએ. અમે યુદ્ધમાં સામેલ થવાના નથી કેમ કે ત્યાં અમારું કોઈ કામ નથી. અમે ન તો પાકિસ્તાન કે ન તો ભારતને હથિયાર નાખી દેવા કહી શકીએ.
