જમ્મુથી લઈને અમૃતસર સુધી અનેક વિસ્તારોમાં બ્લેક આઉટ

ભારતીય સેનાએ પાકિસ્તાની ડ્રોન તોડી પાડ્યા

પાકિસ્તાન વધુ એક વખત પોતાની નાપાક હરકતો કરતું નજરે પડી રહ્યું છે. પાકિસ્તાને ગઈકાલ(૮ મે)ની માફક આજે(૯ મે)ની રાત્રે પણ જમ્મુ, પોખરણ સહિતના સરહદ વિસ્તારમાં સતત ગોળીબાર અને ડ્રોન હુમલાનો પ્રયાસ કર્યાના સમાચાર મળી રહ્યા છે. જોકે ભારતીય સેનાએ એર ડિફેન્સ સિસ્ટમની મદદથી તમામ ડ્રોન તોડી પડાયા હોવાની પણ માહિતી મળી રહી છે. પાકિસ્તાન દ્વારા જમ્મુ કાશ્મીર, રાજસ્થાન અને પંજાબના સરહદ વિસ્તારોમાં ડ્રોન હુમલાનો પ્રયાસ કરાયો હોવાનું જણાવવામાં આવી રહ્યું છે. જમ્મુ, અમૃતસર, પઠાણકોટ, સાંબા, પૂંછ, ઉધમપુર, ફિરોઝપુર, જલંધર અને પોખરણમાં બ્લેકઆઉટ કરાયું હોવાની પણ માહિતી મળી રહી છે. લોકોને ઘરમાં રહેવાની અપીલ કરાઈ છે.

Omar Abdullah

@OmarAbdullah

It’s my earnest appeal to everyone in & around Jammu please stay off the streets, stay at home or at the nearest place you can comfortably stay at for the next few hours. Ignore rumours, don’t spread unsubstantiated or unverified stories & we will get through this together.

સમાચાર મળી રહ્યા છે કે, જમ્મુમાં સંપૂર્ણ બ્લેકઆઉટ લાગુ કરવામાં આવ્યું છે અને સાયરન સંભળાયા. જમ્મુમાં ભારતીય વાયુસેનાએ બ્લેકઆઉટ વચ્ચે પાકિસ્તાની ડ્રોનને તોડી પાડ્યા હતા.

જમ્મુ કાશ્મીરના સાંબામાં બ્લેકઆઉટ વચ્ચે ભારતના એર ડિફેન્સ સ્ટાફે પાકિસ્તાની ડ્રોનને તોડી પાડ્યા હતા. આ દરમિયાન સાંબામાં વિસ્ફોટોના અવાજ સંભળાયા.