ઈઝરાયલે કહ્યું છે કે યુએસ રાષ્ટ્રપતિ ડોનાલ્ડ ટ્રમ્પ ટૂંક સમયમાં ઈરાનના પરમાણુ કાર્યક્રમ સામેના યુદ્ધમાં જોડાવા જઈ રહ્યા છે. બીજી તરફ ઈરાનથી લઈને રશિયા સુધી, બધાએ અમેરિકાને આ યુદ્ધમાં લશ્કરી હસ્તક્ષેપ સામે ચેતવણી આપી છે.
ઈઝરાયલ અને ઈરાન વચ્ચેના યુદ્ધમાં દુનિયા બે જૂથોમાં વહેંચાયેલી લાગે છે. આ દરમિયાન, ઈઝરાયલે એક મોટી જાહેરાત કરી છે. ઈઝરાયલે કહ્યું છે કે અમેરિકા ટૂંક સમયમાં ઈરાન સાથેના યુદ્ધમાં જોડાવા જઈ રહ્યું છે. ઈઝરાયલે કહ્યું છે કે યુએસ રાષ્ટ્રપતિ ડોનાલ્ડ ટ્રમ્પ ટૂંક સમયમાં ઈરાનના પરમાણુ કાર્યક્રમ સામેના યુદ્ધમાં જોડાવા જઈ રહ્યા છે. બીજી તરફ ઈરાનથી લઈને રશિયા સુધી, બધાએ અમેરિકાને આ યુદ્ધમાં લશ્કરી હસ્તક્ષેપ સામે ચેતવણી આપી છે.
ટાઇમ્સ ઓફ ઇઝરાયલના અહેવાલ મુજબ, એક ઇઝરાયલી અધિકારીએ જણાવ્યું હતું કે ઇરાન પરના હુમલામાં જોડાવા અંગે અમેરિકાનું વલણ આગામી ૨૪-૪૮ કલાકમાં જાણી શકાશે. તેમણે કહ્યું, “એવી અપેક્ષા છે કે અમેરિકા આ યુદ્ધમાં જોડાશે, પરંતુ કોઈ તેમના પર દબાણ કરી રહ્યું નથી. તેમણે પોતાનો નિર્ણય જાતે લેવો પડશે.”
વ્હાઇટ હાઉસ દ્વારા જારી કરાયેલા એક નિવેદનમાં કહેવામાં આવ્યું છે કે યુએસ રાષ્ટ્રપતિ ડોનાલ્ડ ટ્રમ્પ બે અઠવાડિયામાં પોતાનો નિર્ણય લેશે. ઇઝરાયલના સંરક્ષણ પ્રધાને કહ્યું કે ખામેની હિટલર છે. તેમણે કહ્યું, “ખામેની જેવા સરમુખત્યારને જીવવાનો કોઈ અધિકાર નથી. તેઓ હંમેશા પોતાના એજન્ટો દ્વારા ઇઝરાયલનો નાશ કરવા માંગતા હતા.
