જાપાન અને ચીનના પ્રવાસે જશે વડાપ્રધાન મોદી

આવતા અઠવાડિયે વડાપ્રધાન નરેન્દ્ર મોદી જાપાન અને ચીનના પ્રવાસે જશે. વિદેશ મંત્રાલયે સત્તાવાર રીતે કાર્યક્રમની જાહેરાત કરી છે. પીએમ મોદી ત્યાં ભારત-જાપાન વાર્ષિક સમિટમાં ભાગ લેવા જઈ રહ્યા છે. ચાલો જાણીએ પીએમ મોદીની વિદેશયાત્રાનું શેડ્યુલ.

વડાપ્રધાન નરેન્દ્ર મોદી આવતા અઠવાડિયે જાપાન અને ચીનની મુલાકાત લેશે. વિદેશ મંત્રાલયે સત્તાવાર રીતે કાર્યક્રમની જાહેરાત કરી. વડાપ્રધાન મોદી ભારત-જાપાન વાર્ષિક સમિટમાં જાપાનના વડાપ્રધાન સાથે મુલાકાત કરશે. આ દરમિયાન ભારત અને જાપાન વચ્ચે રોકાણ અને વ્યૂહાત્મક સહયોગ જેવા મુદ્દાઓ પર ચર્ચા થશે. આ પછી, તેઓ ૩૧ ઓગસ્ટથી ૧ સપ્ટેમ્બર દરમિયાન ચીનના તિયાનજિન શહેરમાં આયોજિત શાંઘાઈ સહયોગ સંગઠન (એસસીઓ) ની બેઠકમાં ભાગ લેશે.

અમેરિકાના રાષ્ટ્રપતિ ડોનાલ્ડ ટ્રમ્પના ટેરિફ વોર વચ્ચે ભારત અને ચીનના સંબંધો સુધરતા દેખાઈ રહ્યા છે. ત્યારે વડાપ્રધાન મોદી ચીનની મુલાકાતે પણ જવાના છે. નોંધનીય છે કે વર્ષ ૨૦૨૦ માં ગલવાનમાં ભારતીય અને ચીની સૈનિકો વચ્ચે થયેલી અથડામણ પછી પીએમ મોદી પહેલી વાર ચીનની મુલાકાતે જવાના છે. ભારત સરકારના વિદેશ મંત્રાલય દ્વારા પીએમ મોદીની જાપાન અને ચીનની મુલાકાતની તારીખો જાહેર કરવામાં આવી છે. પીએમ મોદી ૨૯ ઓગસ્ટથી ૧ સપ્ટેમ્બર સુધી જાપાન અને ચીન પ્રવાસે જશે.

વડાપ્રધાન નરેન્દ્ર મોદી ૨૯ ઓગસ્ટે જાપાનની બે દિવસીય મુલાકાત માટે રવાના થશે. વિદેશ મંત્રાલયે માહિતી આપી છે કે પીએમ મોદી ૨૯ અને ૩૦ ઓગસ્ટે જાપાનમાં રહેશે અને અહીં ૧૫ મા ભારત-જાપાન વાર્ષિક શિખર સંમેલનમાં ભાગ લેશે. પીએમ તરીકે વડાપ્રધાન મોદીની જાપાનની આ ૮ મી મુલાકાત હશે. પીએમ મોદી અને જાપાનના વડાપ્રધાન શિગેરુ ઇશિબા બંને દેશો વચ્ચેની ખાસ વ્યૂહાત્મક અને વૈશ્વિક ભાગીદારીની સમીક્ષા કરશે. આ સાથે, બંને નેતાઓ સંરક્ષણ અને સુરક્ષા, વેપાર અને અર્થતંત્ર, ટેકનોલોજી અને નવીનતા અને પ્રાદેશિક અને વૈશ્વિક મહત્વના મુદ્દાઓ જેવા ક્ષેત્રોમાં સહયોગ અંગે ચર્ચા કરશે. આ મુલાકાત બંને દેશો વચ્ચે લાંબા સમયથી ચાલતા ખાસ મૈત્રીપૂર્ણ સંબંધોની પુષ્ટિ કરશે.