ગુજરાતમાં કોરોનાના કેસમાંં થઇ રહેલા ઘટાડાનો ક્રમ જારી રહ્યો છે. છેલ્લા 24 કલાકમાં કોરોનાના 12,545 નવા કેસ નોંધાયા હતા જ્યારે 123ના મૃત્યુ થયા હતા. આમ, બુધવારની સરખામણીએ ગુરુવારે કોરોનાના કેસમાં 410નો ઘટાડો થયો છે. આ સાથે જ રાજ્યમાં કુલ કેસનો આંક 6,45,972 જ્યારે કુલ મરણાંક 8 હજારને પાર થઇને હવે 8,035 છે. રાજ્યમાં હાલ 1,47,525 એક્ટિવ કેસ છે જ્યારે 786 દર્દી વેન્ટિલેટર પર છે. છેલ્લા 24 કલાકમાં વધુ 13,021 દર્દી કોરોનાથી સાજા થયા છે અને રીક્વરી રેટ 75.92% છે.
છેલ્લા 24 કલાક દરમિયાન અમદાવાદ શહેરમાંથી 3,884-ગ્રામ્યમાંથી 73 સાથે 3,957 નવા કેસ સામે આવ્યા છે. 18 એપ્રિલ બાદ પ્રથમવાર અમદાવાદમાં દૈનિક કેસનો આંક 4 હજારથી નીચે આવ્યો છે. આ સાથે જ અમદાવાદમાં કોરોનાના કુલ કેસ હવે 1,93,641 છે.
સુરત શહેરમાં 1039-ગ્રામ્યમાં 388 સાથે 1427, વડોદરા શહેરમાં 638-ગ્રામ્યમાં 380 સાથે 1,018, રાજકોટ શહેરમાં 526-ગ્રામ્યમાં 169 સાથે 695 કેસ નોંધાયા છે. કુલ કેસનો આંક હવે 1,25,242-વડોદરામાં 56,588 અને રાજકોટમાં 47,156 છે. રાજ્યમાંથી અન્યત્ર જ્યાં છેલ્લા 24 કલાકમાં કોરોનાના વધુ કેસ નોંધાયા તેમાં 729 સાથે જામનગર, 482 સાથે મહેસાણા, 445 સાથે જુનાગઢ, 322 સાથે ભાવનગર, 302 સાથે ગાંધીનગર, 224 સાથે મહીસાગર, 220 સાથે દાહોદ, 218 સાથે ગીર સોમનાથ, 207 સાથે પંચમહાલ, 205 સાથે આણંદ, 193 સાથે બનાસકાંઠા, 189 સાથે અમરેલી, 187 સાથે ભરૂચ-કચ્છ, 150 સાથે અરવલ્લ, 144 સાથે ખેડા, 139 સાથે પાટણનો મુખ્યત્વે સમાવેશ થાય છે.
છેલ્લા 24 કલાકમાં અમદાવાદમાંથી 17, રાજકોટમાંથી 15, સુરત-વડોદરા-જામનગરમાંથી 13, ભાવનગરમાંથી 9, જુનાગઢમાંથી 8 એમ રાજ્યભરમાંથી 123ના કોરોનાથી મૃત્યુ થયા છે. કોરોનાથી કુલ મરણાંક હવે અમદાવાદમાં 3,056-સુરતમાં 1,696-વડોદરામાં 595, રાજકોટમાં 557, જામનગરમાં 302 છે.
છેલ્લા 24 કલાકમાં અમદાવાદમાંથી 5143, સુરતમાંથી 2314, વડોદરામાંથી 762, રાજકોટમાંથી 579 એમ રાજ્યભરમાંથી અત્યારસુધીના સૌથી વધુ 13,021 દર્દીઓ સાજા થયા છે. રાજ્યમાં હાલ કોરોનાથી સાજા થવાનો દર 75.92% છે. વધુ 1,45,185 સાથે કુલ ટેસ્ટનો આંક હવે 1.87 કરોડ છે. રાજ્યમાં હાલ 4,60,382 વ્યક્તિ ક્વોરેન્ટાઇન હેઠળ છે.
છેલ્લા 22 દિવસમાં 2,959 સહિત કુલ 8 હજારના કોરોનાથી મૃત્યુ
તારીખ મરણાંક
30 મે 1,007
9 જુલાઇ 2,010
30 ઓગસ્ટ 3,008
1 ડિસેમ્બર 4,004
15 એપ્રિલ 5,076
24 એપ્રિલ 6,171
30 એપ્રિલ 7,183
6 મે 8,035
ગુજરાતના કયા જિલ્લામાં છેલ્લા 24 કલાકમાં કોરોનાના વધુ કેસ?
જિલ્લો કેસ મૃત્યુ
અમદાવાદ 3,957 17
સુરત 1,427 13
વડોદરા 1,018 13
જામનગર 729 13
રાજકોટ 695 15
મહેસાણા 482 05
જુનાગઢ 445 08
ભાવનગર 322 09
ગાંધીનગર 302 02
મહીસાગર 224 01