આ અઠવાડિયે દરેક જગ્યાએ ચર્ચાઓ થઈ રહી હતી કે નેટફ્લિક્સ (Netflix) પર રિલીઝ થવાની સિરીઝ Money Heist ની કેટલી બોલબોલા હશે. આ અઠવાડિયે કેટલીક વેબ સીરીઝ જે રીલીઝ થઇ અને થનાર છે તેની વિગત પર નજર નાખીએ..
નેટફ્લિક્સ પર ગઈકાલે એટલે કે 3 સપ્ટેમ્બર એ Money Heist સિઝન 5 રીલીઝ થઇ છે. જો કે, આ 10-એપિસોડની શ્રેણીને આ વખતે 5-5 દ્વારા બે ભાગમાં વહેંચવામાં આવી છે. જ્યાં ભાગ 1, 3 સપ્ટેમ્બરના રોજ બપોરે 12.30થી સ્ટ્રીમ થયો હતો. તે જ સમયે, તેનો ભાગ 2 બપોરે 1.30 વાગ્યે સ્ટ્રીમ થયો હતો. આ સીરીઝ એ સોશિયલ મીડિયામાં ભારે ધૂમ મચાવી છે. ચાહકો તેના વખાણ કરતા થાકતા નથી એટલી લોકપ્રિય વેબ સીરીઝ છે.
માર્વેલની લોકપ્રિય ફિલ્મોમાંની એક બ્લેક વિડો (Black Widow) ઓટીટી પર રિલીઝ થ થઇ ગઈ છે. આ ફિલ્મ ડિઝની પ્લસ હોટસ્ટાર (Disney plus Hotstar) પર 3 સપ્ટેમ્બરે (September 3) રિલીઝ થઈ છે. તમને જણાવી દઈએ કે પ્રેક્ષકો હવે આ ફિલ્મ અંગ્રેજી, હિન્દી, મલયાલમ, તમિલ, તેલુગુ અને કન્નડ ભાષામાં જોઈ શકશે.
બોલિવૂડના પ્રખ્યાત અભિનેતા અપારશક્તિ ખુરાનાની ફિલ્મ હેલ્મેટ (Helmet)નું ટ્રેલર 18 ઓગસ્ટના રોજ રિલીઝ થયું હતું. જ્યાં હવે આ ફિલ્મ 5 સપ્ટેમ્બરે ઝી 5 પર રિલીઝ થવા જઈ રહી છે. જ્યાં દર્શકો આ ફિલ્મ જોવા માટે ખૂબ જ ઉત્સાહિત છે.
સિન્ડ્રેલા (Cinderella) આ અઠવાડિયે 3 સપ્ટેમ્બરે એમેઝોન પ્રાઈમ વીડિયો (Amazon Prime Video) પર રિલીઝ થઇ છે, આ ફિલ્મમાં એક એવી છોકરીની વાર્તા છે જે એક પ્રખ્યાત ડિઝાઈનર બનવાની ઈચ્છા ધરાવે છે અને પોતાનું બુટિક ખોલવાનું સપનું જોવે છે.
બોલિવૂડ અભિનેતા આમિર ખાન (Aamir Khan)ના ભાઈ ફૈઝલ ખાન (Faissal Khan) ફરી એક વખત ઈન્ડસ્ટ્રીમાં પરત ફર્યા છે. જ્યાં તેમની ફિલ્મ ‘ફેક્ટરી’ (Faactory) ગઈકાલે એટલે કે 3 સપ્ટેમ્બરે થિયેટરોમાં રિલીઝ થઇ ગઈ છે.