પંજાબમાં આમ આદમી પાર્ટી ની સરકાર બન્યા પછી, આગળની પ્રક્રિયા માટે કાર્યક્રમ પૂરજોશમાં ચાલી રહ્યો છે. આમ આદમી પાર્ટીતરફથી મુખ્યમંત્રી પદ માટે ચૂંટણી જીતનાર ભગવંત માન ખૂબ જ ઉત્સાહિત દેખાઈ રહ્યા છે. તમને જણાવી દઈએ કે ભગવંત માન ૧૬ માર્ચે શપથ લેશે તે પહેલા આજે તેઓ રાજ્યપાલ બનવારીલાલ પુરોહિતને મળ્યા હતા અને રાજ્યમાં સરકાર બનાવવાનો દાવો કર્યો હતો. વેલ, તેમણે આમ આદમી પાર્ટીના રાષ્ટ્રીય કન્વીનર અરવિંદ કેજરીવાલને શપથગ્રહણના દિવસે સમારોહમાં હાજરી આપવા આમંત્રણ આપ્યું છે.
ભગવંત માનને શુક્રવારે મોહાલીમાં આમ આદમી પાર્ટી ધારાસભ્યોની બેઠકમાં પાર્ટીના વિધાયક દળના નેતા તરીકે પસંદ કરવામાં આવ્યા છે. ભગવંત માન ૧૬ માર્ચે નવાંશહર જિલ્લાના મહાન સ્વાતંત્ર્ય સેનાની ભગત સિંહના મૂળ ગામ ખટકર કલાન ખાતે પંજાબના મુખ્યમંત્રી તરીકે શપથ લેશે. સરકાર બનાવવાનો દાવો કરતા તેમણે કહ્યું કે તેમની પાસે સારી કેબિનેટ હશે.