પ્રધાનમંત્રી નરેન્દ્ર મોદી ૪ જુલાઈ, ૨૦૨૨ના રોજ ભીમાવરમ, આંધ્રપ્રદેશ અને ગાંધીનગર, ગુજરાતની મુલાકાત લેશે.
પ્રધાનમંત્રી નરેન્દ્ર મોદી ૪ જુલાઈ, ૨૦૨૨ના રોજ ભીમાવરમ, આંધ્રપ્રદેશ અને ગાંધીનગર, ગુજરાતની મુલાકાત લેશે. પ્રધાનમંત્રી ૪ જુલાઈએ સવારે ૧૧:૦૦ વાગ્યે, ભીમાવરમમાં સુપ્રસિદ્ધ સ્વાતંત્ર્ય સેનાની અલ્લુરી સીતારામ રાજુની ૧૨૫મી જન્મજયંતિની ઉજવણીનો પ્રારંભ કરાવશે. ઉપરાંત ભીમાવરમમાં સ્વાતંત્ર્ય સેનાની અલ્લુરી સીતારામ રાજુની ૩૦ ફૂટ ઊંચી કાંસ્ય પ્રતિમાનું અનાવરણ કરશે.
સ્વાતંત્ર્ય સેનાની અલ્લુરી સીતારામ રાજુ
અલ્લુરી સીતારામ રાજુનો ૪ જુલાઈ ૧૮૯૭ના રોજ જન્મ થયો હતો. આ સ્વાતંત્ર્ય સેનાનીને પૂર્વ ઘાટ ક્ષેત્રમાં આદિવાસી સમુદાયોના હિતોની રક્ષા કરવા માટે અને અંગ્રેજો સામેની તેમની લડાઈ માટે યાદ કરવામાં આવે છે. તેમણે ૧૯૨૨માં શરૂ થયેલ રામ્પા વિદ્રોહનું નેતૃત્વ કર્યું હતું. સ્થાનિક લોકો દ્વારા તેમને “મન્યમ વીરુડુ” (જંગલનો હીરો) તરીકે ઓળખવામાં આવે છે. વિઝિયાનગરમ જિલ્લાના પાંડરંગીમાં અલ્લુરી સીતારામ રાજુનું જન્મસ્થળ અને ચિંતપલ્લી પોલીસ સ્ટેશન પુનઃસ્થાપિત કરવામાં આવશે. આ પોલીસ સ્ટેશન પર થયેલ હુમલાને રામ્પા વિદ્રોહની શરૂઆત તરીકે ઓળખવામાં આવે છે, જેના ૧૦૦ વર્ષ નિમિતે આ પોલીસ સ્ટેશનની ફરી સ્થાપના કરવામાં આવશે.
ગાંધીનગરમાં પ્રધાનમંત્રી
પ્રધાનમંત્રી નરેન્દ્ર મોદી સાંજે૦૪:૩૦ વાગ્યે ગાંધીનગરમાં ડિજિટલ ઈન્ડિયા વીક ૨૦૨૨નું ઉદ્ઘાટન કરશે. ડિજિટલ ઈન્ડિયા વીક ૨૦૨૨ની થીમ ‘Catalyzing New India’s Techade’ છે. ટેક્નોલોજીની સુલભતા વધારવા, જીવનની સરળતા સુનિશ્ચિત કરવા અને સ્ટાર્ટઅપ્સને પ્રોત્સાહન આપવા માટે સેવા વિતરણને સુવ્યવસ્થિત કરવાના હેતુથી બહુવિધ ડિજિટલ પહેલની શરૂઆત કરવામાં આવશે.
ડિજિટલ ઈન્ડિયા વીક ૨૦૨૨માં ગાંધીનગરમાં ૪ થી ૬ જુલાઈ દરમિયાન શારીરિક કાર્યક્રમો યોજાશે. આ કાર્યક્રમ ડિજિટલ ઈન્ડિયાની વર્ષગાંઠની ઊજવણી કરશે. આધાર, UPI, Cowin, Digilocker વગેરે જેવા સાર્વજનિક ડિજિટલ પ્લેટફોર્મે નાગરિકો માટે જીવન જીવવાની સરળતા સક્ષમ કરી છે. તે વૈશ્વિક પ્રેક્ષકો સમક્ષ ભારતની ટેકનિકલ કૌશલ્યનું પ્રદર્શન કરશે. હિતધારકોની વિશાળ શ્રેણી સાથે સહયોગ અને વ્યવસાયની તકોનું અન્વેષણ કરશે. આ ડિજિટલ વીક સ્ટાર્ટઅપ અને સરકાર, ઉદ્યોગ અને એકેડેમીયાના નેતાઓની ભાગીદારીનું સાક્ષી બનશે. ૨૦૦ થી વધુ સ્ટોલ સાથે એક ડિજિટલ મેળાનું પણ આયોજન કરવામાં આવી રહ્યું છે, જે ડિજિટલ સોલ્યુશન્સ પ્રદર્શિત કરશે જે જીવનની સરળતાને સક્ષમ કરે છે. ભારતીય યુનિકોર્ન્સ અને સ્ટાર્ટઅપ્સ દ્વારા વિકસાવવામાં આવેલા સોલ્યુશન્સ પણ પ્રદર્શિત કરશે. ડિજિટલ ઈન્ડિયા વીકમાં ૭ થી ૯ જુલાઈ દરમિયાન વર્ચ્યુઅલ મોડમાં ઈન્ડિયા સ્ટેક નોલેજ એક્સચેન્જ પણ હશે.
પ્રધાનમંત્રી ‘Indiastack.global’ પણ લોન્ચ કરશે. આધાર, UPI, ડિજીલોકર, Cowin વેક્સિનેશન પ્લેટફોર્મ, ગવર્નમેન્ટ ઈ માર્કેટપ્લેસ (GeM), DIKSHA પ્લેટફોર્મ અને આયુષ્માન ભારત ડિજિટલ હેલ્થ મિશન જેવા ઈન્ડિયા સ્ટેક હેઠળ અમલમાં મૂકાયેલા મુખ્ય પ્રોજેક્ટ્સનું વૈશ્વિક ભંડાર છે. ગ્લોબલ પબ્લિક ડિજિટલ ગૂડ્ઝ રિપોઝીટરીને ભારતની આ ઓફર વસ્તીના ધોરણે ડિજિટલ ટ્રાન્સફોર્મેશન પ્રોજેક્ટ્સનું નિર્માણ કરવામાં ભારતને અગ્રેસર તરીકે સ્થાન આપવામાં મદદ કરશે અને આવા ટેક્નોલોજી સોલ્યુશન્સ શોધી રહેલા અન્ય દેશોને મદદરૂપ સાબિત થશે.