૧૨માં ડિફેક્સ્પો અંતર્ગત ઈન્ડિયન ઓશન રિજન પ્લસ (IOR+) કોન્ક્લેવનું આયોજન થયું હતું.
ગાંધીનગરમાં રક્ષામંત્રી રાજનાથ સિંહના અધ્યક્ષ સ્થાને ૧૨માં ડિફેક્સ્પો અંતર્ગત ઈન્ડિયન ઓશન રિજન પ્લસ (IOR+) કોન્ક્લેવનું આયોજન થયું હતું. જેમાં IORમાં સામાન્ય જોખમો અને તેને પહોંચી વળવા માટેના પગલાં ઉપર ચર્ચા-વિમર્શ કરવામાં આવ્યા હતા. આ IOR+ કોન્ક્લેવ દરમિયાન રક્ષામંત્રીએ બાંગ્લાદેશ, અંગોલા, દક્ષિણ આફ્રિકા, ડેમોક્રેટિક રિપબ્લિક ઓફ કોંગો અને પેરાગ્વેના પ્રતિનિધિમંડળના પ્રતિનિધિઓ સાથે દ્વિપક્ષીય બેઠકો પણ યોજી હતી.
આ બેઠકો દરમિયાન રક્ષામંત્રીએ બાંગ્લાદેશના વડાપ્રધાનના સુરક્ષા સલાહકાર મેજર જનરલ તારિક અહેમદ સિદ્દીક, રાષ્ટ્રીય સંરક્ષણ પ્રધાન અને અંગોલા પ્રજાસત્તાકના હોમલેન્ડ વેટરન્સ શ્રી જોઆઓ અર્નેસ્ટો ડોસ સાન્તોસ, સંરક્ષણ પ્રધાન અને રિપબ્લિક ઓફ દક્ષિણ આફ્રિકાના લશ્કરી વેટરન્સ શ્રીમતી થાન્ડી મોડિસ, પેરાગ્વેના સંરક્ષણ ઉપમંત્રી શ્રીમતી ગ્લેડીસ આર્સેનિયા રુઇઝ પેચી અને ડેમોક્રેટિક રિપબ્લિક ઓફ કોંગોના રાષ્ટ્રીય સંરક્ષણ અને યુદ્ધ વેટરન્સ મંત્રી શ્રી ગિલ્બર્ટ કબાંડા કુરહેંગા સાથે મુલાકાત કરી હતી. આ બેઠક દરમિયાન સંરક્ષણ સહયોગના સમગ્ર સ્પેક્ટ્રમની ચર્ચા કરવામાં આવી હતી, જેમાં સંબંધિત દેશો સાથે પરસ્પર ફાયદાકારક સહયોગને વિસ્તારવા માટેની તકો ઓળખવા પર ધ્યાન કેન્દ્રિત કરવામાં આવ્યું હતું.