ગુજરાત વિધાનસભા ચૂંટણીના પરિણામોમાં હાલ ભાજપ આગળ ચાલી રહ્યું છે. વિધાનસભાની ચૂંટણીના ૧૮૨ બેઠકોના વલણ સામે આવ્યા છે. જેમાં ભાજપ ૧૩૮, કોંગ્રેસ ૩૪, આમ આદમી પાર્ટી ૬ અને ૪, બેઠકો પર અન્ય આગળ ચાલી રહ્યું છે.
ગુજરાતમાં આમ આદમી પાર્ટીની એન્ટ્રીથી ભાજપને નુકશાન થશે. તો વળી ચૂંટણી ટાઈમે ભાજપ – કોંગ્રેસે આમ આદમી પાર્ટીને એકબીજાની બી ટીમ ગણાવી હતી. જોકે આ બધાની વચ્ચે હવે પરિણામને જોતાં આ તમામ વાતો ખોટી પડી હોવાનું સામે આવ્યું છે. હાલની સ્થિતિને જોતા ચુંટણી રિઝલ્ટના ટ્રેન્ડ્સ પ્રમાણે હવે આપને કારણે કોંગ્રેસને જ નુકશાન થયું હોવાનું સામે આવ્યું છે.
ગુજરાતમાં સતત સાતમી વખત ભાજપ સરકાર બનાવવા તરફ આગળ વધી રહ્યું છે. જોકે ગુજરાતના ઇતિહાસ મુજબ રાજ્યમાં કોઈ ત્રીજો પક્ષ ચાલતો નથી. પણ આ વખતે તો ત્રીજા પક્ષના કારણે ઊલટાનું કોંગ્રેસને ભારે નુકશાન થયાનું સામે આવ્યું છે.
રાજ્યની ૧૮૨ વિધાનસભા બેઠક ઉપર આપ દ્વારા ઉમેદવાર ઉતાર્યા બાદ સતત ભાજપ – કોંગ્રેસ આપને એકબીજાની બી ટીમ ગણાવતા હતા. પણ હવે જ્યારે પરિણામ કેટલાક અંશે સામે આવ્યા ત્યારે આ વાતો પોકળ સાબિત થઈ રહી છે. અને આપને કારણે કોંગ્રેસને ભારે નુકશાન થયું હોવાની સ્થિતિ બની છે.
ગુજરાત ચૂંટણીમાં પહેલીવાર આટલા દમખમ સાથે મેદાનમાં ઉતરેલી આમ આદમી પાર્ટીને ભાજપ – કોંગ્રેસે એકબીજાની બી ટીમ ગણાવી હતી. જોકે હાલના ટ્રેન્ડ્સ પ્રમાણે આપને કારણે કોંગ્રેસને નુકશાન અને ભાજપને ફાયદો થયો છે. આ તરફ સતત ૬ વાર સરકાર ચલાવ્યા બાદ હવે ભાજપ હાલ જંગી લીડ સાથે આગળ વધી રહ્યું છે. તો વળી આ વખતે ભાજપ જૂના તમામ રેકોર્ડ તોડે તેવા અણસાર છે.