કારોબારી સપ્તાહના પ્રથમ દિવસે સોમવારે શેર માર્કેટ મોજમાં

શેર માર્કેટમાં સતત ત્રીજા દિવસે શાનદાર તેજી જોવા મળી હતી. પરિણામે સેન્સેક્સમાં ૩૪૦ પોઈન્ટ અને નિફ્ટીમાં પણ ૧૦૦ પોઇન્ટનો ઉછાળો જોવા મળ્યો હતો.

કારોબારી સપ્તાહના પ્રથમ દિવસે સોમવારે શેર માર્કેટ મોજમાં હોય તેમ જોરદાર તેજી જોવા મળી હતી. શેર બજારમાં મોટાપાયે ખરીદી નોંધાતા બજારના પ્રમુખ ઇન્ડેક્સ લગભગ સતત ત્રીજા દિવસે લીલા નિશાન સાથે બંધ રહ્યા હતા. આજે બીએસસી સેન્સેક્સમાં ૩૪૦ પોઈન્ટનો જોરદાર ઉછાળો નોંધાયો હતો. જેને લઈને સેન્સેક્સ ૬૨૮૪૬ ની સપાટીને આંબી ગયો હતો. તે જ રીતે નિફ્ટીમાં પણ ૧૦૦ પોઇન્ટનો ઉછાળો જોવા મળ્યો હતો જેને લઈને તે ૧૮,૫૯૮ ની પર બંધ રહ્યો છે. પરિણામે રોકાણકારો રાજીના રેડ થયા હતા.