આપણે ‘ઈન્ડિયા’ શબ્દને બદલે ‘ભારત’ શબ્દનો ઉપયોગ કરવો જોઈએ. હું ઈચ્છું છું કે આપણા બંધારણમાં ફેરફાર થાય અને તેમાં ‘ભારત’ શબ્દ ઉમેરવો જોઈએ.
સંસદનું વિશેષ સત્ર બોલાવવાથી રાજકીય વર્તુળોમાં અટકળોનું બજાર ગરમ છે. હવે ચર્ચાએ જોર પકડ્યું છે કે સરકાર બંધારણમાં મોટા ફેરફારો કરવા જઈ રહી છે. કોંગ્રેસનો આરોપ છે કે સરકાર ઈન્ડિયા નામને બંધારણમાંથી દૂર કરવા જઈ રહી છે. જયરામ રમેશે આરોપ લગાવ્યો છે કે મોદી સરકારે બંધારણમાંથી ઈન્ડિયા નામ હટાવી દીધું છે. રાષ્ટ્રપતિ ભવન તરફથી જી-૨૦ ડિનર માટેના આમંત્રણમાં ઈન્ડિયાના રાષ્ટ્રપતિને બદલે ભારતના રાષ્ટ્રપતિને યજમાન તરીકે લખવામાં આવ્યું છે. તેમણે કહ્યું કે આ બંધારણની વિરુદ્ધ છે.
બીજેપી સાંસદ હરનાથ સિંહ યાદવે વિપક્ષ ગ્રાન્ડ અલાયન્સ ઈન્ડિયા જૂથના નામ પર સવાલ ઉઠાવ્યો છે. તેમનું માનવું છે કે વિપક્ષી જૂથે તેનું નામ ઈન્ડિયાથી બદલીને ‘ભારત’ કરવું જોઈએ. તેમણે કહ્યું કે બંધારણમાં ઉલ્લેખિત ‘ઈન્ડિયા’ શબ્દ અંગ્રેજો દ્વારા આપવામાં આવેલ એક ગાળ છે. એટલા માટે હવે તેના બદલે ભારતનો ઉપયોગ થવો જોઈએ. હરનાથ સિંહ ઈચ્છે છે કે બંધારણમાં ફેરફાર કરવામાં આવે અને ઈન્ડિયાને બદલે ભારત શબ્દનો ઉપયોગ કરવામાં આવે.
બીજેપી સાંસદ હરનાથ સિંહ યાદવે કહ્યું,
“સમગ્ર દેશ માંગ કરી રહ્યો છે કે આપણે ‘ઈન્ડિયા’ શબ્દને બદલે ‘ભારત’ શબ્દનો ઉપયોગ કરવો જોઈએ… ‘ઈન્ડિયા’ શબ્દ અંગ્રેજો દ્વારા આપવામાં આવેલ એક ગાળ છે જ્યારે ‘ભારત’ શબ્દ… આપણી સંસ્કૃતિનું પ્રતીક છે… હું ઈચ્છું છું કે આપણા બંધારણમાં ફેરફાર થાય અને તેમાં ‘ભારત’ શબ્દ ઉમેરવો જોઈએ…”
રાષ્ટ્રીય સ્વયંસેવક સંઘ (RSS)ના વડા મોહન ભાગવતે કહ્યું,
લોકોને ઈન્ડિયાને બદલે ભારત નામનો ઉપયોગ કરવાની અપીલ કરી હતી. તેમણે કહ્યું, સદીઓથી આ દેશનું નામ ભારત છે, ઈન્ડિયાનહીં. તેથી આપણે તેના જૂના નામનો જ ઉપયોગ કરવો જોઈએ.