વર્લ્ડ કપ ૨૦૨૩ ની ૫ મી મેચ આજે ચેન્નાઈમાં ભારત અને ઓસ્ટ્રેલિયા વચ્ચે રમાવાની છે પરંતુ આ મેચ પર વરસાદનો ખતરો છે. સાથે જ ઓસ્ટ્રેલિયન ટીમના આ ખેલાડીઓ ટીમ ઈન્ડિયાનું ટેન્શન વધારી શકે છે.
ICC ક્રિકેટ વર્લ્ડ કપ ૨૦૨૩ શરૂ થઈ ગયો છે. ભારતીય ક્રિકેટ ટીમ પણ આજે ઓસ્ટ્રેલિયા સામેની મેચથી વર્લ્ડ કપ અભિયાનની શરૂઆત કરશે. ભારત અને ઓસ્ટ્રેલિયા વચ્ચેની મેચ ચેન્નાઈના એમ ચિદમ્બરમ સ્ટેડિયમમાં રમાશે. જે ભારતીય સમય અનુસાર બપોરે ૦૨:૦૦ વાગ્યે શરૂ થશે.
ભારત એકમાત્ર એવી ટીમ છે જેને એક પણ પ્રેક્ટિસ મેચ રમવાની તક મળી નથી. ટીમ ઈન્ડિયાની બંને પ્રેક્ટિસ મેચ વરસાદના કારણે ધોવાઈ ગઈ હતી. એવામાં હવે દરેકના મનમાં સવાલ છે કે શું ભારત-ઓસ્ટ્રેલિયા મેચમાં વરસાદ વિલન બની શકે છે? નોંધનીય છે કે છેલ્લા અઠવાડિયાથી ચેન્નાઈમાં અવાર-નવાર વરસાદ પડી રહ્યો છે. આવી સ્થિતિમાં ભારત-ઓસ્ટ્રેલિયા મેચ પર વરસાદનો ખતરો છે.
