પશ્ચિમ જાપાનમં ૭.૫ ની તીવ્રતાનો ભૂકંપનો આંચકો

પશ્ચિમ જાપાનમાં ૭.૫ ની તીવ્રતાનો ભૂકંપ અનુભવાયો છે. આ ભૂકંપના આંચકા ઉત્તર મધ્ય જાપાનમાં અનુભવાયા હતા.

પશ્ચિમ જાપાનમાં ૭.૫ ની તીવ્રતાનો ભૂકંપ અનુભવાયો છે. આ ભૂકંપના આંચકા ઉત્તર મધ્ય જાપાનમાં અનુભવાયા હતા. આ ભૂકંપ આવતાની સાથે જ સુનામીની ચેતવણી જારી કરવામાં આવી હતી. સુનામી ચેતવણીએ લોકોને શક્ય તેટલી વહેલી તકે ઇશિકાવા, નિગાતા, તોયામા અને યામાગાતા પ્રીફેક્ચરના દરિયાકાંઠાના વિસ્તારો છોડી દેવા જણાવ્યું હતું. ઈશિકાવામાં નોટો પેનિનસુલા પાસે દરિયામાંથી ૫ મીટર સુધીના મોજા ઉછળવાની સંભાવના છે.

સાંજે ૦૪:૨૧ વાગ્યે સુનામીની ચેતવણી જારી કરવામાં આવી. આ પછી તોયામા પ્રીફેક્ચરમાં સાંજે ૦૪:૩૫ વાગ્યે ૮૦ સેમીના મોજા દરિયાકાંઠે અથડાયા અને પછી ૦૪:૩૬ વાગ્યે મોજા નિગાતા પ્રીફેક્ચરમાં પહોંચ્યા. અગાઉ ૨૮ ડિસેમ્બરે જાપાનમાં પણ ભૂકંપના જોરદાર આંચકા અનુભવાયા હતા. જાપાનના કુરિલ ટાપુઓમાં આવેલા ભૂકંપની તીવ્રતા ૬.૩ માપવામાં આવી હતી. યુનાઇટેડ સ્ટેટ્સ જિયોલોજિકલ સર્વે અનુસાર, અડધા કલાકની અંદર અહીં ભૂકંપના બે આંચકા અનુભવાયા હતા.

Leave a Reply

Your email address will not be published. Required fields are marked *