આંધ્રપ્રદેશમાં ટીડીપી ચીફ ચંદ્રબાબુ નાયડુએ આજે મુખ્યમંત્રી તરીકે શપથ લીધા છે. આ સિવાય જનસેના પાર્ટીના અધ્યક્ષ પવન કલ્યાણે કેબિનેટ મંત્રી તરીકે શપથ લીધા છે.
ચંદ્રબાબુ નાયડુ આંધ્રપ્રદેશના મુખ્યમંત્રી બન્યા
આંધ્રપ્રદેશમાં ટીડીપી ચીફ ચંદ્રબાબુ નાયડુએ આજે મુખ્યમંત્રી તરીકે શપથ લીધા છે. સીએમ નાયડુ ચોથી વખત રાજ્યના સીએમ બન્યા છે. નાયડુનો આ શપથ ગ્રહણ સમારોહ વિજયવાડાની બહાર ગન્નાવરમ એરપોર્ટ નજીક કેસરપલ્લી આઈટી પાર્કમાં યોજાયો હતો. તેમના સિવાય જનસેના પાર્ટીના અધ્યક્ષ પવન કલ્યાણે કેબિનેટ મંત્રી તરીકે શપથ લીધા છે. તમને જણાવી દઈએ કે આંધ્રપ્રદેશમાં લોકસભા ચૂંટણીની સાથે યોજાયેલી વિધાનસભા ચૂંટણીમાં TDP, BJP અને જનસેના પાર્ટીએ NDA હેઠળ એકસાથે ચૂંટણી લડી હતી અને પૂર્વ સીએમ જગન મોહન રેડ્ડીની પાર્ટી YSRCP સામે ભારે જીત મેળવી હતી. ચંદ્ર બાબુને મંગળવારે યોજાયેલી એનડીએ ધારાસભ્ય દળની બેઠકમાં નેતા તરીકે ચૂંટવામાં આવ્યા હતા.