ભારત અને અફઘાનિસ્તાન વચ્ચે બારબાડોસના કેસિગ્ટન ઓવલમાં આજે ટી-૨૦ વર્લ્ડકપની ૪૩મી મેચ રમાશે. ગ્રુપ સ્ટેજમાં શાનદાર પ્રદર્શન કરી બંન્ને ટીમ સુપર ૮ ની મેચ રમશે. ભારતીય ટીમ ૪ માંથી ૩ મેચ જીતી હતી તો અફઘાનિસ્તાનને પણ ૩ મેચમાં જીત મળી હતી. તો અફઘાનિસ્તાનને ૩ મેચમાં જીત મળી હતી.
ભારત અને અફઘાનિસ્તાનની ક્રિકેટ ટીમ ટી-૨૦ વર્લ્ડકપ ૨૦૨૪ના સુપર ૮ માં આજે ટક્કર થશે.હવામાન વેબસાઇટ અનુસાર, સ્થાનિક સમય અનુસાર સવારે ૧૦:૩૦ વાગ્યે ભારત અને અફઘાનિસ્તાન વચ્ચેની મેચમાં વરસાદની ૪૪ % સંભાવના છે.
બારબાડોસના મેદાન પર ૧૯ જૂનના રોજ વરસાદ જોવા મળ્યો હતો. તો એવું પણ ચર્ચા થઈ રહી છે કે, આ મેચમાં પણ વરસાદ જોવા મળી શકે છે. જો વરસાદના કારણે મેચ રદ્દ થઈ તો કઈ ટીમને ફાયદો થશે અને કઈ ટીમને નુકસાન થશે. ચાલો જાણીએ.
તમને જણાવી દઈએ કે, ગ્રુપ સ્ટેજ પૂર્ણ થયા બાદ સુપર ૮ માં ૨ ગ્રુપમાં ટીમને વહેંચવામાં આવી છે. પહેલી મેચ ભારત અને અફઘાનિસ્તની મેચમાં જો વરસાદ આવ્યો તો બંન્ને ટીમને ૧-૧ અંક આપવામાં આવશે. પરંતુ જો મેચ રમાઈ તો ટીમ ઈન્ડિયાનું પલડું ભારે જોવા મળી રહ્યું છે.
