ઘરે બનાવો હેલ્ધી પ્રોટીન પાઉડર, બજાર કરતા સસ્તુ અને શરીર માટે સુરક્ષિત -

શરીર સ્વસ્થ રાખવા અને મસલ્સ વધારવા માટે બજારના મોંઘા અને હાનિકારક પ્રોટીન પાઉડરના બદલે ઓછા ખર્ચે ઘરે પ્રોટીન પાઉડર બનાવી શકો છો. જે શરીર માટે સુરક્ષિત છે.

શરીર સ્વસ્થ અને મજબૂત રાખવા માટે કસરત કરવી જોઇએ. ઘણા લોકો જીમમાં વર્કઆઉટ કરવા જાય છે. જો કે ઘણી વખત જીમ ટ્રેઇનર શરીર મજબત કરવા અને મસલ્સ વધારવા માટે પ્રોટીન પાઉડર કે પ્રોટીન સપ્લિમેન્ટ્સ નું સેવન કરવાની ભલામણ કરે છે. પરંતુ બજારમાં મળતા પ્રોટીન પાઉડરથી શરીરને નુકસાન થવાની ચિંતા રહે છે. જો તમે જીમ વર્કઆઉટ કરો છો તેમજ શરીરને મજબૂત બનાવવા અને મસલ્સ વધારવા પ્રોટીનનું સેવન કરવાનું વિચારો છો અહીં તમારી માટે ઘરે પ્રોટીન પાઉડર બનાવવાની રેસીપી જણાવી છે. જે જરૂરી પોષણ આપી શરીરને સ્વસ્થ અનં તંદુરસ્ત રાખશે.

થોડા સમય અગાઉ જર્નલ ઓફ મેડિસિનમાં પ્રકાશિત એક રિસર્ચ રિપોર્ટમાં ખુલાસો થયો છે કે ભારતમાં સેવન કરવામાં આવતા પ્રોટીન સપ્લિમેન્ટ પ્રોડક્ટ્સમાંથી ૭૦ % નકલી સાબિત થઇ છે, જ્યારે ૧૪ %માં હાનિકારક ટોક્સિન અને ૮ % પ્રોડક્ટમાં જંતુનાશક દવાઓ મળી આવી છે. આવી સ્થિતિમાં, આવા પ્રોટીન સપ્લિમેન્ટ્સના સેવનથી સ્વાસ્થ્યને ગંભીર નુકસાન થઈ શકે છે. આ એપિસોડમાં અમે તમને જણાવી રહ્યા છીએ ઘરે જ હેલ્ધી પ્રોટીન પાવડર બનાવવાની ખાસ રેસીપિ.