મહારાષ્ટ્ર, આસામ, રાજસ્થાન, છત્તીસગઢ, હરિયાણા, મધ્યપ્રદેશ અને ઉત્તરાખંડની સરકારોએ અરજીઓ દાખલ કરી છે અને વક્ફ સુધારા બિલ કાયદાને સમર્થન આપ્યો છે.
રાજસ્થાન સરકારે કહ્યું છે કે, ”નવો કાયદો ખૂબ જ સારા ઇરાદા સાથે લાવવામાં આવ્યો છે. વિગતવાર ચર્ચા અને સંસદીય પ્રક્રિયા પછી બનાવવામાં આવેલ આ કાયદો, તમામ કાયદાકીય ચિંતાઓને સમાધાન છે. જે લોકોએ આ કાયદા વિરુદ્ધ અરજી દાખલ કરી છે તેઓ જમીની વાસ્તવિકતાઓ પ્રત્યે આંખ આડા કાન કરી રહ્યા છે. જૂના કાયદાને કારણે રાજ્યોને ઘણી સમસ્યાઓનો સામનો કરવો પડ્યો છે. તે સમસ્યાઓ હવે ઉકેલાઈ ગઈ છે.
અરજીમાં એમ પણ કહેવામાં આવ્યું છે કે, ”જૂના કાયદાની કલમ ૪૦ નો દુરુપયોગ ચિંતાનો વિષય છે. તે કલમે વક્ફ બોર્ડને કોઈપણ મિલકતને વક્ફ તરીકે જાહેર કરવાની અને તેના પર દાવો કરવાની સત્તા આપી હતી. હવે જમીન મહેસૂલ રેકોર્ડમાં કોઈપણ ફેરફાર કરતા પહેલા જાહેર નોટિસ જારી કરવાની શરત લાદવામાં આવી છે. આ મિલકતો પર મનસ્વી દાવાઓને નિયંત્રિત કરવામાં મદદ કરશે”. ચારેય રાજ્યોએ અરજદારોની દલીલનો વિરોધ કર્યો છે કે વક્ફ સુધારો કાયદો બંધારણની વિરુદ્ધ છે. રાજ્યોએ કહ્યું છે કે, આ કાયદો સિસ્ટમમાં સુધારો કરવા અને પ્રક્રિયામાં સ્પષ્ટતા લાવવાનો છે. જેમાં વક્ફ બોર્ડ ઉપરાંત સામાન્ય લોકોના હિતોનું પણ ધ્યાન રાખવામાં આવ્યું છે. આ કાયદો કોઈની સાથે ભેદભાવ કરતો નથી.
