એક તરફ જ્યાં ભારતની જવાબી લશ્કરી કાર્યવાહીથી પાકિસ્તાનની સેના અને સરકાર આઘાતમાં છે તો બીજી તરફ વડાપ્રધાન શાહબાઝ શરીફ સામે દેશની અંદર બળવાની સ્થિતિ ઉભી થઈ.
ભારતના ઓપરેશન સિંદૂરથી ખરાબ રીતે હચમચી ગયેલું પાકિસ્તાન હવે અંદરથી પણ ભાંગી પડ્યું છે. એક તરફ જ્યાં ભારતની જવાબી લશ્કરી કાર્યવાહીથી પાકિસ્તાનની સેના અને સરકાર આઘાતમાં છે તો બીજી તરફ વડાપ્રધાન શાહબાઝ શરીફ સામે દેશની અંદર બળવાની સ્થિતિ ઉભી થઈ છે. પૂર્વ વડા પ્રધાન ઇમરાન ખાનના સમર્થકો મોટી સંખ્યામાં રસ્તાઓ પર ઉતરી આવ્યા છે અને શરીફ સરકાર સામે ઉગ્ર વિરોધ કરી રહ્યા છે.
પીટીઆઈ સમર્થકોએ ઘણા શહેરોમાં રસ્તાઓ બ્લોક કર્યા. યુદ્ધ વચ્ચે ઘણી જગ્યાએ ઇમરાન સમર્થકો દ્વારા હુમલા ચાલુ છે. પ્રદર્શનકારીઓનો આરોપ છે કે, શાહબાઝ સરકારે સેનાના ઈશારે ખોટા નિર્ણયો લઈને દેશને યુદ્ધની આગમાં ધકેલી દીધો છે અને સામાન્ય લોકોના જીવ જોખમમાં મુકી દીધા છે. ગો શાહબાઝ ગોના નારા સાથે વિરોધીઓ પાકિસ્તાનના દરેક મોટા શહેરમાં તબાહી મચાવતા જોવા મળ્યા.
ઓપરેશન સિંદૂર હેઠળ ભારતના વળતા હુમલા અને ફાઇટર જેટને તોડી પાડવાની ઘટના પછીથી પાકિસ્તાનમાં સત્તા માટે સંઘર્ષ ચાલી રહ્યો છે. સેનાની નિષ્ફળતા પર પ્રશ્નો ઉભા થઈ રહ્યા છે અને શાહબાઝ શરીફ પર આંતરરાષ્ટ્રીય સ્તરે અપમાન કરવાનો આરોપ લગાવવામાં આવી રહ્યો છે. ઈમરાન સમર્થકોનું કહેવું છે કે, જો ૨૦૨૨ માં શરીફ સરકાર ન બની હોત તો આજે પાકિસ્તાનને આટલી મોટી રાજદ્વારી અને લશ્કરી હારનો સામનો કરવો પડ્યો ન હોત.
ઓપરેશન સિંદૂર દ્વારા આતંકવાદ સામે ભારતની કડક કાર્યવાહીએ પાકિસ્તાનના સત્તા માળખાને હચમચાવી નાખ્યું છે. હવે પ્રશ્ન એ છે કે શું શાહબાઝ શરીફ આ આંતરિક રાજકીય સંકટમાંથી બહાર આવી શકશે કે પછી પાકિસ્તાનમાં સત્તાનો બીજો મોટો પલટો થવાનો છે? સંજોગો જે તરફ ઈશારો કરી રહ્યા છે તે જોતાં એ વાત ચોક્કસ છે કે શાહબાઝની ખુરશી લાંબો સમય ટકવાની નથી. જો સૂત્રોનું માનીએ તો કેટલાક નિવૃત્ત જનરલો અને વર્તમાન અધિકારીઓ પણ શરીફ સરકારની કાર્યશૈલીથી નાખુશ છે અને ગુપ્ત રીતે ઇમરાન ખાનને પાછા લાવવાનો પ્રયાસ કરી રહ્યા છે.
