ગુજરાતમાં હવામાન વિભાગની આગાહી અનુસાર ધોધમાર વરસાદ ખાબકી રહ્યો છે. ત્યારે અમદાવાદના અનેક વિસ્તારમાં આજે (૨૫મી ઓગસ્ટ) વહેલી સવારથી વરસાદ શરૂ થયો છે. બીજી તરફ હવામાન વિભાગે બનાસકાંઠા, સાબરકાંઠા અને અરવલ્લીમાં ભારે વરસાદનું રેડ ઍલર્ટ જાહેર કર્યું છે. જ્યારે ૨૧ જિલ્લામાં ૧૦:૦૦ વાગ્યા સુધી ઓરેન્જ ઍલર્ટ જાહેર કર્યું છે.
હવામાંન વિભાગે કચ્છ, સુરેન્દ્રનગર, પાટણ, અમદાવાદ, મહેસાણા, ગાંધીનગર, ખેડા, આણંદ, વડોદરા, પંચમહાલ, ભરૂચ, દાહોદ, છોટા ઉદેપુર, નર્મદા, સુરત, તાપી, નવસારી, ડાંગ, વલસાડ, દાદરા અને નગર હવેલી અને દમણમાં વરસાદનું ઓરેન્જ ઍલર્ટ જાહેર છે. જ્યારે અન્ય જિલ્લામાં યલો ઍલર્ટ જાહેર કર્યું છે.
૨૬ મીથી ૨૭ મી ઓગસ્ટના રોજ રાજ્યના ૨૦ થી વધુ જિલ્લામાં હવામાન વિભાગે ઓરેન્જ-યલો ઍલર્ટ જાહેર કર્યુ છે. જેમાં સાબરકાંઠા, પાટણ, મહેસાણા, બનાસકાંઠા, ગાંધીનગર, ખેડા, અરવલ્લી, મહીસાગર, અમદાવાદ, સુરેન્દ્રનગર, આણંદ, પંચમહાલ, દાહોદ, ભરૂચ, બોટાદ, અમરેલી, ભાવનગર, સુરત, નવસારી, વલસાડ, છોટા ઉદેપુર, નર્મદા, તાપી, ડાંગ, વડોદરા જિલ્લામાં ગાજવીજ સાથે ભારેથી અતિભારે વરસાદની આગાહી છે.
રાજ્યમાં આગામી ૨૮ થી ૩૦ ઓગસ્ટ દરમિયાન કચ્છ, મોરબી, સુરેન્દ્રનગર, પાટણ, બનાસકાંઠા, મહેસાણા, સાબરકાંઠા, તાપી, ડાંગ, નવસારી, વલસાડ, દેવભૂમિ દ્વારકા, પોરબંદર, જામનગર, મોરબી, અમરેલી, ભાવનગર, અરવલ્લી, મહીસાગર, દાહોદ, છોટા ઉદેપુર, નર્મદા જિલ્લામાં ધોધમાર વરસાદની આગાહી છે.
ગુજરાતમાં ચોમાસું બરાબરનું જામ્યું છે અને અત્યારસુધી સરેરાશ ૨૭.૫૦ ઈંચ સાથે ૮૦ % વરસાદ વરસી ચૂક્યો છે. જેમાં ૩૭ તાલુકામાં ૪૦ ઈંચથી વધુ વરસાદ નોંધાઈ ચૂક્યો છે. વરસાદની જળાશયોની આવકમાં પણ વધારો થઈ રહ્યો છે અને ૨૦૭ જળાશયોમાં સરેરાશ જળસ્તર ૭૮.૮૨ % છે. ૫૯ જળાશયો છલોછલ થઈ ગયા છે, જ્યારે ૭૮ જળાશયો હાઈઍલર્ટ હેઠળ છે.
