ભારતીય માનક બ્યુરો(BIS)ના અધિકારીઓ દ્વારા બ્યુરો પાસેથી માન્ય લાયસન્સ લીધા વિના ઉત્પાદકો દ્વારા બનાવેલા રમકડા વેચતા વેપારી, મેસર્સ ઓશિયા હાઇપર રીટેલ લિમિટેડ, સેક્ટર 21, આર વર્લ્ડ સિનેમા, ગાંધીનગર 380005 ઉપર તારીખ 18.01.2022 નાં રોજ દરોડાની કાર્યવાહી કરવામાં આવી. આ વેપારી ભારતીય માનક બ્યુરોના માન્ય લાયસન્સ લીધા વગર ઉત્પાદકો દ્વારા બનાવેલા રમકડાનું વેચાણ તેમની દુકાનોમાં કરતા હતા. દરોડા દરમિયાન વેપારી પાસેથી ISI માર્કા વગરના રમકડાનો જંગી જથ્થો મળી આવ્યો હતો.
ભારત સરકારનાં વાણિજ્ય અને ઉદ્યોગ મંત્રાલયનાં 25 ફેબ્રુઆરી 2020 નાં ઓર્ડર નંબર 11(4)/9/2017-C1 મુજબ, આવા ઉત્પાદનો (રમકડાં) અથવા સામાન અથવા સ્પષ્ટપણે 14 વર્ષથી ઓછી ઉંમરના બાળકોના રમવા માટેના હેતુથી બનાવેલ વસ્તુઓ ઉપર આઈએસઆઈ (ISI) માર્ક 01 જાન્યુઆરી 2021 પછી ફરજિયાત કરવામાં આવ્યો છે અર્થાત કોઈપણ ઉત્પાદક અથવા વેપારી ISI માર્ક વિના રમકડાનું ઉત્પાદન, વેચાણ અને સંગ્રહ કરી શકશે નહી. આવું કરનારનાં વિરુધ્ધ ભારતીય માનક બ્યુરો અધિનિયમ 2016 નાં અનુચ્છેદ 17 નાં ઉલ્લંઘનની કાર્યવાહી કરવામાં આવે છે. આ અપરાધ દંડનીય છે, જે અંતર્ગત બે વર્ષની જેલ અથવા ઓછામાં ઓછા રૂ. 2,00,000/- (બે લાખ) આર્થિક દંડ અથવા બંને સજાની જોગવાઈ છે.