બીજી ટર્મ માટે ભૂપેન્દ્ર પટેલે આજે મુખ્યમંત્રી પદના લીધા શપથ -

૧૫ મી ગુજરાત વિધાનસભા ચૂંટણીમાં પ્રચંડ જીત બાદ આજે ભૂપેન્દ્ર પટેલે બીજીવાર મુખ્યમંત્રી પદના શપથ લીધા હતા. રાજ્યપાલ આચાર્ય દેવવ્રતે રાજ્યના ૧૮ મા મુખ્યમંત્રી તરીકે શપથ લેવડાવ્યા હતા. જયારે અન્ય ૧૬ ધારાસભ્યોએ મંત્રીપદના શપથ લીધા હતા. શપથ સમારોહમાં પ્રધાનમંત્રી નરેન્દ્ર મોદી અને કેન્દ્રીય ગૃહમંત્રી અમિત શાહ પણ ઉપસ્થિત રહ્યા હતા. આ ઉપરાંત ભાજપ શાસિત રાજયોના મુખ્યમંત્રીઓ પણ હાજર રહ્યા હતા. નવા મંત્રીમંડળને પ્રધાનમંત્રીએ શુભેચ્છા પાઠવી હતી. ભૂપેન્દ્ર પટેલ મંત્રીમંડળમાં ૮ ધારાસભ્યોએ કેબિનેટ મંત્રી તરીકે શપથ લીધા હતા. આ ઉપરાંત રાજ્યકક્ષાના સ્વતંત્ર હવાલો ધરાવતા મંત્રી તરીકે હર્ષ સંઘવી અને જગદીશ વિશ્વકર્માને રાજ્યપાલે શપથ લેવડાવ્યા હતા.